Szilágyi Sándor szerk.: Erdélyi Országgyűlési Emlékek 20. 1688-1691 (Budapest, 1897)

34. fejezet: 1688-1691 - Törvények és okiratok

d) Jelentések Bécsbe a fejedelem haláláról. 1. 1690. ápr. 19. császárnak. 18. Április. Anno 1690. Fogaras. Ország nevével római császárnak ő felségének. Sacratissima caesarea regiaque Majestas, domine domine nobis clementissime (benignissime). Ad gratiosissimos angustissimae Vestrae Majestatis pedes provoluti humillime repraesentare cogimur id, quod divina nemesis ex abditis suae sapientiae et justitiae thesauris inpraevisi et simul inprovisi, quasi fulminis instar, in peccata nostra vibravit. Mortem nimirum pientissimi ac mansvetissimi nostri principis imo patris celsissimi ac clementissimi simul domini domini Michaelis Apafi senioris, quem sicuti coelesti patri ante viginti novem annos ex Tartaricis conpedibus et carcerum squaloribus ad sceptrum ac purpuram, tantum abest ambientem, imo ne somniantem quidem supra humanuni captum miraculose evehere, et in illo, quod tunc etiam suis littoribus erumpebat Ottomanici maris tumor, nuperae certe et modernae ortus ac occasus concussionis praeludio desperatis Transylvaniae flammis et statorem cineribus restauratorem praeficere placuerat. Ita nunc eum post tot supra omnes suos praedecessores annorum, inter tot et tantas externas ac intestinas turbas non minori miraculo patratam conservationem, in ipso ad summa usque sidera (et utinam ad suam jam acmaen) elati universalis bellorum diluvii medio nobis eripere, et nostrae patriae cymbulam gubernatore excusso tempestatibus ac ventis vagam. committere, ac nostris quasi rebus indormienti destituere libuit, cum tanta nostra consternatione (imo nisi infinita sua misericordia et augustissimae Vestrae Majestatis paterna consolatio tenello orphano principi et orbae patriae succurrat) desperatione, ut illi describendae nobis calamus, aut renarrandae lingva moestis nempe faucibus haerens, ne quaquani sufficiat. Sed justus est deus et justa ipsius judicia et miserationes etiam ejus infinitae.