Szilágyi Sándor szerk.: Erdélyi Országgyűlési Emlékek 13. 1661-1664 (Budapest, 1888)

27. fejezet: 1661-1664 - Törvények és okiratok

Marosvasarhelyino: Memhet passa audita convocatoria Simonis Kemeny et litteris Martini Kaszoni sacerdotis, litteris suis ad celsmum principem datis innuit dnos regnicolas unacum principe maturare praeparationem tormentorum et ceterarum rerum bellicarum, adeoque sese debere conjunctos intrare iter et quaerendum esse hostem cum spe auspicatae fortunae. Ad quas quid responsi dandum sit, committitur a dnis regnicolis celsissimo principi et dnis consiliariis. Perceptores ordinantur restantiarum taxarum pro contentatione portae ordinatarum: ex comitatibus Franciscus Pribek, ex Siculis Nicolaus Tserei, ex dnis Saxonibus aliquoi civium Brassoviensium. Administratio restantiarum erit Coronae. Interveniunt litterae ex porta Ottomannica (a) supremo vezirio ad celsmum principem datae cum interpretatione (la)tina earundem Panajothi interpretis imperatoris Turcarum, ut et litterae Hungaricae Ali passae, utraeque continentes pacem patriae per certos legatos missos certis terminis regni, iisque, qui per Ali passam tempore captae Varad erant conclusi, tirmandam. Faxit deus Opt. Maximus! Luditur cum Nicolao Tsereio blaterone et blaeso nequam per irrisionem consiliariorum nominato. Ex intimatione celsissimi principis per Stephanum Papoki cancellaristam allata dnus praesidens proponit principis Joannis Kemenyii articulos et donationes aliasque collationes tanquam illegitimi principis non esse standas, non enim fuisse confirmatum a porta fulgida Ottomanica et imperatore Turcico. Multum disputatur, sed nil concluditur. Denuo vexatur Stephanus Lazar a dno praesidente. Dnus regius et Melchior Stuckard prandent cum celsismo principe. Multis vaniloquiis resolutiones celsmi principis ratione postulatorum comitatuum percurruntur, partim replicando, partim articulos cudendo : omnia ex articulis constabunt. Die 18. Martii. Perleguntur litterae kapitiae Yalentini Szilvassi, continentes finium regni juxta pactum Ali passae cum principe Barcsaiano initum restituendorum. Tandem perleguntur litterae nobilium Claudiopoli delitescentium, querulantium quomodo dietim a Turcis subigantur eorum possessiones, nec audere domi suae habitare. Aggrediuntur postulata Siculorum cum resolutione celsmi principis. Adferuntur a celsmo principe per dnum Joannem Bethlen literae summi vezerii et Rezefendi cum interpretatione Hungarica earum et perleguntur. Conqueritur celsmus princeps per dnum Franciscum Kassaium mediante praesidente, quod quidam nequam homines litteras scriptitent inscia sua celsitudine ad Kucsuk passam, qua querela motus Paulus Beldius exsurgit et conqueritur coram dnis regnicolis, sese delatum