Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 6. 1573—1581 (Bp., 1879)
I. A POZSONYI ORSZÁGGYŰLÉS 1574. MÁRCZIUSBAN
30 A POZSONYI OHSZÍGGVÜLÉS timendae sínt : Caesarea Regiaque Maiestas necessarium existimat, ut huic quoque rei publico Regni decreto prouideatur. Ac proinde fideles Regni Ordines et Status clementer hortatur, ut rationem ineant, deliberentque de instituendo certo aliquo ordine et modo, quo Maiestatis suae praefectis et Capitaneis limitaneis, vicini Comitatus, Barones et Nobiles eo casu, quo repentina aliqua necessitas illud exigat, suis parati auxiliis praesto esse, et insurgere teneantur; quosic auxilia illa, maiori post bac fide et alacritate, quam liucusque contigit, praestentur; ipsorumque potissimum Regnicolarum ac miserorum subditorum defensioni, saluti et permansioni oportunius efficaciusque consultum esse possit. Quemadmodum etiam Maiestas sua ad Regni defensionem perquam oportunum existimat, ut de tali modo et ordine consultetur, quo ipsi Comitatus sibi inuicem correspondeant, ac alter ab altero, ingruente hostili vi et necessitate, requisitus, mutuo sibi ferant auxilia. Edocta quoque est Caesarea Maiestas, quod cum nonnulla minora castella liinc inde in Hungaria, praesertim vero circa Canisam existant, illis saepissime ex eadem Canisa pedites submittendi sint, nudatis interim, eiusdem fortalitii praesidiis, quae nequaquam tanta sint, ut omnibus sufficiant. Quoniam vero res haec non caret periculo, ac istud inde sequitur, quod debilitato lioc modo Canisae praesidio, circumiacentem regionem a Turcarum incursionibus minus tueri atque defendere possint, submissi autem pedites ut nequaquam eo numero vei viribus sint, ut hoste castelli alicuius oppugnationem tentante, eius propugnationem suscipere audeant, sed eodem hoste appropinquante, mox illud deserant, sicque nullus plane eorum in castellis usus sit; idcirco Caesarea Regiaque Maiestas fideles Regni Status et Ordines benigne hortatur et requirit, ut de hoc quoque articulo deliberare, suaeque Maiestati ipsorum sententiam, an scilicet nonnulla ex castellis illis destruenda, vel quo pacto illis de praesidiis necessariis prouidenclum sit, aperiant; cum Maiestas sua alendis tot undique praesidiis sufficere nequeat. Cumque acl Sacram Caesaream Regiamque Maiestatem frequentes Turcarum, contra Maiestatis suae milites, deferantur querelae, de excursionibus et depraedationibus, quae in
