Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 6. 1573—1581 (Bp., 1879)
III. A POZSONYI ORSZÁGGYŰLÉS 1578. FEBRUÁR, MÁRCZIUS ÉS ÁPRIL HAVÁBAN
258 A rOZSONVI ORSZÁGGYŰLÉS tur se a filio suo, Domino Francisco Dobo de Arce Sarospathak et eius pertinentiis indebite exclusam, simul cum filia sua, Conjuge Domini Michaelis de Kyswarda, sorore eiusdem Domini Dobo carnali. Itaque Maiestati suae tam ipsa Domina, quam Dominus Michael de Kyswarda, et penes ipsos Regnicolae, per voces interrogati, humiliter supplicant, ut Maiestas sua Caesarea sub hac Diaeta statim et extraorclinarie, prout semel decreuit, per Dominos Judices ordinarios faciat revideri, an dictus Dominus Dobo haec facere potuerit. Et si indebite fecisse comperietur, Castrum et ejus pertinentias, dictae Dominae matri et sorori suae statim et de facto restituat. E conuerso Dominus Dobo se in hac re cum Domina matre sua libenter concordiam initurum fuisse asserit, nisi illa recusasset, sicuti Maiestas sua Caesarea, id a Dominis Pacificatoribus intellectura est, et supplicant regnicolae itidem, ut Maiestas sua Caesarea eum quoque in suis juribus conseruet. Dominus Nicolaus de Bathor supplicat humiliter, ut Castrum suum Selin, nunc per haeredes olim Domini Petri Erdeody possessum, cujus ratione sexcenti floreni ex Camera Ungarica ipsi quotannis soluuntur, jam tandem reddatur, sicuti aliquot constitutiones publicae superinde extant, et Maiestas sua Caesarea benigne se jamtandem resoluat, ut et Camera a solutione dictae pensionis liberetur, et ipse sua bona recuperet. Quia ex supplici libello familiae Orzlankeoy sexus foeminei apparet Franciscum Jakosytth, violenta occupatione Castri Orzlankeo et Priuilegiorum iu ipso Castro repertorum direptione, non haeredibus tantum foeminei sexus ejus familiae, quae ex transactione legitima cum masculo haerede et diuisione cum eodem facta, in parte bonorum ab aliquot iam inde annis existit, manifestam injuriam intulisse, sed et jura hujus Regni violasse; ideo Status et Ordines Regni supplicant Maiestati suae, dignetur censuram et vota Regnicolarum in Diaeta praeterita exinde facta et casu quopiam omissa clementer approbare, et Castrum ipsum cum pertinentiis et Priuilegiis ablatis foemineo haeredi reddi et remitti, et eiusmodi audaciam, in aliorum exemplum, publicae tranquilitatis conservandae causa, debita animadversione castigare; nec ab rejudicant
