Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 4. 1557—1563 (Bp., 1877)

I. A POZSONYI ORSZÁGGYŰLÉS 1557. Júniusban.

106 A POZSONYI ORSZÁGtiYÜLKS. sima maiestas vestra ad supplicationem eorimdem statuum benigne tunc consenserat, ut tallerorum eusio inposterum cessaret, denariique tantum Hungarici, et minores numi veteri de more cuderentur eo modo, qui in prefato conuentu 1550. anni descriptus fuerat : status et ordines satis mirari satisque dolere non possunt, unde nunc, post tractatus constitutionesque predictas, repentina liaec insperataque monete Hungarice explosio acciderit, quando, etiam si in reliquis regnis ac prouintiis mutatio aliqua in paruis monetis, propter illarum prouintiarum et regnórum rationabiles forte respectus, accidisset, nihil id tamen publicis deliberationibus proximorum conuentuum et benignis oblationibus sacratissime vestre maiestatis derogari debere videbatur; quoniam non alius quisquam in hoc regno, quam ipsa sacratissima maiestas vestra omnis generis monetas cudendas curat, potueritque ac possit ea liga denarios cudendos curare, ut, iuxta suam illám benignam oblationem, aeque ac aurei et talleri, caeterique minores gressi, ubique reciperentur. Quod si in tanto Hungaricorum denariorum numero adulterini aliqui reperiebantur, haud propterea in uniuersum hoc monete genus omne exterminandum esse videbatur, cum palam constet, inter talleros quoque, qui alibi quam in Hungaria cuduntur, interque omnia monetarum genera, in omnibus orbis terre regionibus, adulterinam soepe monetam inueniri, neque tamen propterea genus illud omne monete tolli penitus et extingui, sed reiecta mala, bonam recipi; moneta autem Hungarica multis in locis extra Germaniam maiori etiam quam hic valore recipitur. quippe que argenti plus quam alie ulle minute aliorum locorum monete contineat; alibi vero in regno, quam Cremnicie nunc monetam in Hungaria non cudi, aut iampridem non fuisse cusam, satis omnibus constat. Quare cum propter has, ac plerasque alias rationes indignissimi fuerint Hungari, qui haue et ignominiam et pene cladem insperato acciperent, supplicant humillime sacratissime vestre maiestati, domino eorum clementissimo, ut, habita in primis clementi ratione oblationis sue, et constitutionum proximorum conuentuum, monetam Hungaricam in pristinum statum restituere diguetur, nam si (quod minimé credunt,) explosio illa diutius perduraret, cogitare sa-