Pokoly József szerk.: Magyar protestáns egyháztörténeti adattár. X. Budapest 1911.

II. Miskolczi Csulyak István esperesi naplója és leveleskönyve.

pastoribus praesentibus veritati testimonium perhibere non dedignare. Sirailiter tu quoque Reverende domine Stephane Dobrai, testari, debebis quid 3. Julii videris Michaelem ülahum huic Michaeli Nagy attentasse. 45. Ad Reverendos viros pastores ecclesiae Thoroniensis, Chörgejensis, Lasztocz., Redmeciensis, Vitanyensis, Füzériensis el Kapolnensis, 10. Julii. Gratiam et pacem in Domino p. Turpe est, quod auditur, pastorem et rectorem ecclesiae Kajatensis a verbis devenisse ad verbera, adeo ut uterque vibicem et sanguinem, ille in facie, hic in brachio ostentet. Perpiacet scandalum tale ex ecclesia prorsus eliminare. Verum ne alteruter de injuria sibi immerenti illata conqueri digne possit, totum hoc cum legitima cognitione perficiatur, oportet. Quare Reverendás dominationes vestras per praesentes moneo, ut praefixo a Reverendo d. Iratosio, quem hic praesidem designo, certo termino ad locum facti transite, ex paganis uter litigantium talis dissidii autor existat, cognoscite, et quod in emolumentum Ecclesiae vergat, deliberate, secus non facturi. Valete in eodem pacis et gratiae autore. 46. Dominica 8. Trinitatis. 21. Julii post horam nonam Generosus dominus Nicolaus Pataki coram me Jacobo Literati Kali. Georgio Dancsházi, Benedicto Ujszászi solenniter protestatio est, se nolle jam amplius cum Reverendo Stephano Tholnai in sede nostra litigare, etiamsi obtulerit sese ad reconciliationem, quam hactenus neglexit, neque uxorem suam ex sedili controverso alio migrare jusserit, sed coram sede pontificiorum spirituali velle cum eo in jus descendere. 47. Reverende domine Geors;i Bakai, praesenti hoc Ecclesiae sigillo moneris, ad testimonium Generoso dominó Nicolao Pataki dandum, tempore effractionis in templo Patakinensi sedilium, quid actum dictumve fuerit, quod in praejudicium ejusdem generositatis vergat, quive illi actioni interfuerint.