Thury Etele szerk.: Magyar protestáns egyháztörténeti adattár. VII. Budapest 1908.

I. A Poprádon felyűl levő szepesi egyházmegye kánonai 1550 körül

CAPITULUM XXXII. De aerario contubernii. Quilibet fratrum in publicis congressibus denarios 9. in publicum fraternitatis aerarium conferre debet; ut ita thesaurus fraternitatis colligatur, unde non tantum fraternitatis in rebus arduis habere possit subsidium, sed etiam fraterna necessitate premente particulam mutuare, et deinde etiam restituere queant. CAPiTULUM XXXIII. De censu cathedratico. Quando census cathedre a fratribus exigetur, qui per senioreni et conseniorem ulterius proximum in villa Divi Andreáé, Praesuli capituli scepusiensi exolvitur, quilibet fratrum seniori pro viatico ex munere, quo praesul excipiendus est denarios 25. conferre debet. CAPITULUM XXXIV. De evocatione ministri ex uno in aliud contubernium.. Minister, qui ex loco huius fraternitatis in alium extra eum vocatur, dominó seniori illud tempestive significare gratiisque fraternitati decenter actis, ab illa, suae inter fratres actae vitae et conversationis testimonium accipere debet. Sedulo admonitis patronis et auditoribus, ut cum consilio senioris et fraternitatis denuo de alio idoneo in locum abeuntis vocando consilia agitent. CAPITULUM XXXV. De senioratus inter Germanos etque Schlavos alternatione. Ut autem et aequalitas quaedam in electione et administratione senioratus observetur, alternis vicibus biennium apud Germanos, biennium apud Sclavos durare debet, sicquidem ut cum Germanus senior resignat, potestatem et facultatem habeat, duos e Sclavis nominandi, quorum alterum fratres, per suffragia mutua in seniorem eligant; qui iam electus e Sclavis, quem vult ad proximum conseniorem, sibi adsciscit, alterum autem ex Germanis fraternitas illi adiunget: sic vice versa cum effluxo biennio praefatus senior officium deponet, pari ratione potestatem habet ex Germanis duos nominandi, ex quibus alterutrum reliqui fratres in seniorem eligunt, qui similiter e Germanis ad proximum conseniorem, quem vult sibi deligat, alter ex Sclavis a fraternitate illi additur.