Thury Etele szerk.: Magyar protestáns egyháztörténeti adattár. VII. Budapest 1908.

I. A Poprádon felyűl levő szepesi egyházmegye kánonai 1550 körül

CAPITULUM XXXVI. De reddendis quot-annis a seniore rationibus. Porro senioribus cautum esto, ut annuatim in fratrum congregatione, officium suum honorifice cum consenioribus suis deponant, cum luculenta ratione accepta expensisque, quo facto, in subsequentem annum denuo renovari debent. CAPITULUM XXXVII. De inspectione seniorum. Senioris est attendere in eos, qui contra leges peccant et iuxta tenorem legum eosdem mulctare, cuius mulctae pars media in fiscum commune reponenda, altera seniori cedat. CAPITULUM XXXVIII, De decoro vestium in congressu. In publica congregatione, priusquam omnia sint peracta nemini liberum sit. vestem suam superiorem instar cerdonum deponere ut ita graviter et decenter fiant. CAPITULUM XXXIX. De propositione rei in congressu. Fratres, si quid habent, quod proponant aut loquantur, aut domino seniore prius veniam inpetrent. CAPITULUM XL. De rectorum scholae subiectione, vita et industria. Rectores scholarum almae istius fraternitatis a suis dominis pastoribus toti dependant, regimenque scholasticum ab illis singulis annis et quidem tempestive impretrent obedientiam súam eisdem in verbis et factis probent. Tabernas per omnia vitent, iuventutem diligenter et fideliter in doctrina, cantu et moribus instruant, secus factum admonitionem et in nulla schola promotionem expectent. Addito hoc, ut agnoscentes suorum dominorum pastorum benevolentiam, eosdem remisse, fideliter adiuvent. Formula iuris iurandi. Formula iuramenti, qua se novitii qui in fraternitatem recipiuntur, domino seniori et fratribus obstringunt. Ego N. N. iuramento me obstringo, quod vocationi meae ecelesiasticae diligenter praetro. Item scandala publica et privata ne ministerium verbi Dei, propter me male audiant,