Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XVI. A felsőtrencséni ev. egyházmegyének az 1600. évi január 12-diki bittsei zsinaton kihirdetett törvényei

9. His rite expensis et praemissis, copulam in templo, mox ab aliis ceremoniis, quibus interessé debent, aut in alio, honesto tarnen conventu, ut fieri apud nobiles potiores sólet, administrato. 10. Ut in nuptiis se gerere debeant, praemoneto, et ut a contionibus inconditis et obscenis abstineant, urgeto. 11. Nuptias in Adventu Domini, et in quadragesima non concedito; nisi casus diversum svadeant, et consensus contubernii, ac magistratus accedat. Quaequidem temporum discrimina absque peccato negligi possunt, at ordinis causa non superstitiose apud nos observatur. 12. Sponsam, Christiano more, non prae foribus temph", sed ante aram introducito. idque hoc modo: nempe, ut gratias agat pro sui in pietate et castitate conservatione, proque mariti donatione, denique ut pro statu benedictionis oret moneto: et sic tandem, precibus dictis, ac benedictione num. 6. addita, dimittito. 13. In his ut cautior quisque sit libellos de coniugio, qualis est Philippi Melanhtonis, Georgii Majoris, Nicolai Heminqii et similium theologorum familiariter notos habeto. 14. Puerperas non nisi iusto a partu, elapso tempore ad minimum septimanis tribus, aut quatuor, non prae foribus templi, verum ad aram introducito; idque facito non legis Mosaicae vigore; verum honestatis amore. Habenda enim est ratio naturalis honestatis, et virium in partu adflictarum, quas si intempestive afflixerint ne morbus incurabilis reccurrat, est periculum.