Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XVI. A felsőtrencséni ev. egyházmegyének az 1600. évi január 12-diki bittsei zsinaton kihirdetett törvényei

V. De ritibus partim adiaphoris partim manifeste impiis. 1. Mortuorum corpora, in coemeteria honeste usitatas ceremonias adhibens deducito : at profligatae impietatis homo, contemtor verbi Dei et sacramentorum adulter sine poenitentia, et usu poenae decedens, sine pompa in ecclesiis usitata sepelitor. Ut vel hac ratione ad poenitentiam invitentur. Abortivos, et sine baptismo descedentes, a sepultura communi non arceto, ne dicaris, pontificiorum erroris, tales infantes a regno coelesti excludentium affertor. 2. Véste sacra, nostro contubernio, et aliis ecclesiis usitata, utitor, nec eos, quibus in usu est splendidior habitus, temere damnato : ut in veteri ecclesia dissonantia ieiunii, fidei consonantiam non rumpit: ita nostro hoc tempore differentia vestium sacrarum concordiam ecclesiarum non scindit. 3. Cereos, siquidem a nostris antecessoribus aboliti sunt, non adhibeto, nisi dum illis est opus. Sicubi eorum est usus, infirmorum causa ad tempus tolerato, et ut conformitas sit, sine scandalo tarnen studeto. 4. Traditiones humanas, manifeste impias et idololatricas, qualis est missa pro defunctis, consecrationes dei, aquae, ignis, cereorum, herbarum, avenae, vini, ac ciborum, seu pernarum, in paschate nemo servato. VI. De moribus. 1. Magistratum politicum debito honore praevenito, et ipsum privatis et publicis precibus Deo commendato. 2. Honeste gravitati theologicae convenienter quisque vestitor. Egyháztörténeti Adattár. 7