Stromp László szerk.: Magyar protestáns egyháztörténeti adattár. I. Budapest 1902.

9. Kocsi Csergő Bálint „Narratio brevis de oppressa libertate Hungaricarum ecclesiarum" cz. müvének X—XI—XII.fejezete. (Balogh Elemér.)

inquit, vobis est Charissimi Fratres ? Estisne percussi vel alio modo affecti, quod sic non potestis loqui, et vos movere. Tunc quantum fari possunt, inquiunt ad ipsum, nos alioquin mi Domine non sumus percussi, sed modo huc deducti sumus ex carcere, ubi inter ferreas numellas, cippos et catenas octuaginta integris diebus et noctibus, neque lucem neque nosmet invicem videntes, sumus hoc modo corrupti. Itane est inquit Szalontai ? Captivi dicunt ita est, interrogetur Koderman ? Tunc Szalontai promit mandátum Caesareum et dicit non metuite, ego sum Stephanus Szalontai, vester Procurator, veni ad vos liberandos, non vos derelinquam, verum modo Deus vobis sanitatem largiatur, quaecunque forent necessaria, procurabo, Captivi audito hoc Angelico nuncio, praesenti Viro pro tanto affectu et fatigio fausta quaeque comprecantur, e vestigio illinc sublatos captivos sedilibus impositos, stragulisque propter foeditatem involutos in aliud hospitium transportari jubet. Delati in hospitium fit concursus populi illacrymantur utriusque sexus homines, tam miserabilem habitum innocentissimorum Virorum et aperte proclamant, quod Koderman cum Matthaeo Stanko non essent melioris notae homines, sed ipsissimi Carnifices, et crudelissimae Bestiáé. Ominantur etiam dicentes: Deus propter sceleratissimorum istorum duorum hominum in hos innocentes . crudelitatem, communi aliqua eäque gravissimíl plaga nos affecturus est. Exinde statim ex Civitate Flumine Medicum et Chirurgum accersiri facit, eosque rogat per miserationes divinas, ut si quam possunt, miseris ex sua arte opem ferant, se esse paratum non tantum quantum sua curä et laboré promoverentur expendere, sed amplius. Medicus accersitus obstructis naribus lustrat moribundos : et ex lustratorum numero tribus salutem promittit, si Deus media sanctificaturus esset, de duobus enim Stephano Kállai et Stephano Szent Péteri se non posse ullain spem facere: immedicabiliter enim essent corrupti. Et secundum praedictionem evenit in priori paucis interjectis diebus, Venetiis enim mortuus est, posterior vero adhuc aliquantulum spirabat, cum haec scribebam. Quoniam vero Buccari nulla comoditas medendi suppetebat jubet Medicus Johannes Nonni Captivos 4. Die Maji Ream seu Flumen transferri et 5. May accingit se in curam miserorum. Tanta vero erat acrinionia Medicináé istius et ipsos ita vexabat, ut pene mugitum ex dolore vi Medicináé contractu edere cogebantur, neque vel hoc tempore mali humores ex