Petrik Iván (szerk.): Memoriae commendamus, Emlékezetül adjuk. Válogatás Pápa város történetének forrásaiból - A Pápai Levéltár kiadványai 1. (Pápa, 2010)
Források
queque facinora obeunda et ad prestanda fidelis servitoris officia reddamus alacriorem, castrum et oppidum nostrum Papa in comitatu Wespremiensi existens unacum possessionibus Kwp, Igar, Borsosgyewr in Wespremiensi et Zerechen in Iauriensi comitatibus aliisque possessionibus, villis, prediis, portionibus et quibusvis iuribus possessionariis tam in eisdem Wesprimiensi ac Iauriensi comitatibus, quam aliis quibuscunque regni nostri Hungarie comitatibus habitis, ad ydem castrum et oppidum Papa, de iure et ab antiquo pertinentibus, item totum et omne ius nostrum regium, si quod in eisdem castro ac oppido Papa, et aliis possessionibus, villis, prediis, portionibus et quibusvis iuribus possessionariis qualitercunque haberemus, aut nostram ex quibuscunque causis, viis, modis et rationibus concernerent maiestatem, ac cum cunctis suis utilitatibus et pertinentiis quibuslibet, terris scilicet arabilibus cultis et incultis, agris, pratis, pascuis, campis, fenetis, silvis, nemoribus, montibus, vallibus, vineis, vinearumque promontoriis, aquis, fluviis, piscinis, piscaturis aquarumque decursibus, molendinis et eorundem locis, generaliter vero quarumlibet utilitatum et pertinentiarum suarum integritatibus, quovis nominis vocabulo vocitatis sub suis veris metis et antiquis existentibus, predicto Valentino Thewrek, et per eum Ioanni et Francisco filiis ac heredibus eiusdem et posteritatibus universis de manibus nostris regiis dandum, donandum et conferendum duximus, immo damus, donamus et conferimus iure perpetuo et irrevocabiliter tenendum, possidendum pariter et habendum assummendo nihilominus memoratum Valentinum Thewrek ac filios et heredes eiusdem, in pacifico dominio prescripti castri ac oppidi Papa et pertinentiarum eorundem prescriptorum contra quoslibet legittimos et illegittimos impetitores tueri, protegere, defendere et conservare. Ad quod nos et successores nostros reges Hungáriáé obligamus et de facto obligatos esse volumus. Harum nostrarum vigore et testimonio litterarum, quas in formam nostri privilegii redigi faciemus, dum nobis in specie fuerint reportate. Datum Vienne, feria sexta proxima ante festum decollationis beati Ioannis baptiste, anno Domini millesimo quingentesimo tricesimo quinto, regnorum nostrorum Romani anno quinto, aliorum vero nono. Ferdinandus, manu propria. 63
