Petrik Iván (szerk.): Memoriae commendamus, Emlékezetül adjuk. Válogatás Pápa város történetének forrásaiból - A Pápai Levéltár kiadványai 1. (Pápa, 2010)
Források
lata partibus in illis presertim ad tuitionem rei publice utilis et proficua munerique placibilis fore nobis dinoscatur, ipsoque per hoc carere volumus ullo modo, pro eo nos de consensu et beneplacita voluntate ipsius domine Marie regine consortis nostre karissime prelatorumque et baronum regni nostri consilio prematuro prefatam possessionem Iwankasengeurg nuncupatam nunc, ut premisimus, nobis ratione previa placibilem, necessariam et oportunam a viro magnifico Nicolao de Gara bano de Machou et Iohanne filiis dicti condam Nicolai palatini ad quos possessio eadem iure premisso extiterat devoluta auferendo et eandem nostris regiis manibus prorsus cum omnibus suis utilitatibus reapplicando memoratis domino Nicolao bano et Iohanni eius fratri uterino ipsorumque heredibus et posteritatibus universis, tam pro fidelitatibus et fidelium obsequiorum preclare et preconio attollendis laude dignis meritis eiusdem domini Nicolai bani, quibus ipse in cunctis nostris et regni arduis expeditionibus et validis processibus prosperis, ut puta et adversis agilitate strennua fidelitatis fervore evigilantia, curiosa et laborum instantia assidua absque temporis intervallo non parcendo rebus et persone suis, ymo se et sua pro nostri regii honoris incremento et totius regni comodo tranquillo statu locis et temporibus oportunis fortune casibus intrepide exponendo fidelissime studuit et nunc toto nisu nostre anhelat complacere maiestati, quam etiam in concambium prefate possessionis Iwankasengeurg vocate premissorum ratione pro nostra maiestate reservate quoddam castrum nostrum Apachasumlyo vocatum in comitatu Vesprimiensi habitum cum possessionibus et villis suis ac tributis, necnon aliis iuribus iurisdictionibus ad ipsum castrum rite spectantibus, item quandam possessionem nostram similiter regalem vduomicalem Papa vocatam similiter cum tributo in eadem exigi consueto ac aliis villis ad eandem spectantibus in comitatu predicto habitam et existentibus cum omnibus ipsorum iuribus pertinentiis et utilitatibus universis terris arabilibus, cultis et incultis, silvis, nemoribus, virgultis, aquis aquarumve decursibus molendinis et eorundem, emolimentis, vineis et earundem proventibus, pratis, fenilibus et generaliter quibusvis utilitatum integritatibus ad prefatos castrum et possessionem spectantibus sub eiusdem veris et antiquis metis, quibus ipsum et eadem ab olim per nostros predecessores reges Hungarie et nos usum et possessa 35
