Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <VI>

Ordo Processionis

1. Magnates, Proceres cum Nobilitate Hungarica et Germanica promiscue

2. Vexilla Regnorum Portantes

3. Heroldus Hungáriáé

4. Clenodia Portantes

5. Agazonum Magister

6. Rex cum Assistentibus sibi a dextris Archiepiscopo Strigoniensi [p. 53.] et a sinistris Colocensi, quos sequuntur reliqui Episcopi

7. Supremus Aulae Praefectus, cum dictarum Aulae Cohortum Capitaneis eorumque Vices Gerentibus, quos triginta Milites sequuntur.

Postea Aulae Contraloor et Quaestoris Aulici contrascriba equo insidentes, vel alii deputandi et nominandi, qui adjunctos habent viros primarios qua- tuor ad id ordinandos, ut irruentem populum amoveant, ne pecuniam projicientes impediantur in progressu, in publicum aurea et argentea numismata erogantes retroque projicientes procedant, quos itidem numerus triginta militum sequitur, quorum nemo ad levandam vel capiendam ejusmodi pecuniam ordinem suum militarem turbare ausit, prouti nec cives in armis constituti. Numismata autem jacientur a Cathedrali Templo usque ad Claustrum Fran- ciscanorum.

In Templo Franciscanorum erigetur baldachinum cum sedili et Rex Gladio Sancti Stephani per unum ex Comitibus Hungaricis et Supremum Cubicularium Regis denuo praecingitur, et cooperante ejusdem Supremo Aulae Praefecto, ubi Sua Majestas Equites Auratos a Domino Palatino praevia cum Suae Majestatis annuentia et applacidatione cathalogo inferendos et denominandos ac recensendos creat Gladio Sancti Stephani ter super humeros applicato.

Deinde Rex accinctus Gladio Sancti Stephani e templo exit, equo insidet, et una cum dicto Comitatu et vexillis, Clenodia eodem uti prius ordine portantibus et equis insidentibus per Plateam Sancti Michaelis pergit, extra quam portam theatrum sat altum et eminens extructum pannisque tectum.

Quod Sua Majestas cum duobus Archiepiscopis Strigoniensi et Colocensi item Palatino, Supremo Aulae Praefecto, Judice [p. 54.] Curiae Regiae et paucis aliis conscendit, ibidem Sua Majestas in medio theatri loco aliquanto eminentiori, et aureo panno tecto, stans duobus digitis erectis, Archiepiscopo praelegente, consuetum tuendae libertatis et immunitatum Regni juramentum praestat. Quo tempore omnes detecto capite adstant. Praestito juramento conclamatur vivat Rex, et fit secunda explosio et scolpetorum, antequam Rex equum conscenderit.

Tandem Sua Majestas e theatro descendens et equo insidens cum comitiva Regnicolarum equitantium procedit Danubium versus ad Montem Regium

205