Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)
Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András
Acta et observata <VI> pannis obductum, et subsistentibus Regnicolis, Sua Majestas procurrit equitando ad summitatem monticuli, ibidemque Gladium Sancti Stephani, quo accincta est, eximit, et ad quatuor mundi partes permodum Crucis vibrat, et quidem primo ictu Orientem, secundo Occidentem, tertio Meridiem, quarto Septentrionem versus, et hic fit tertia explosio ut supra. Sua Majestas inter suos collaterales et assistentes, cum reliquis Hungáriáé Proceribus et Nobilitate eodem ordine penes Portam Danubialem sub arce ad arcem ascendit, ii quidem Proceres qui Clenodia gestant usque ad Suae Majestatis cameram, qui vero Vexilla Regnorum gerunt, usque ad Palatium intrant, ubi eadem vexilla secum auferent Clenodiis in camera manentibus. Postquam ad arcem ventum fuerit, Sua Majestas recedet in suam reti- radam. Demum Sua Majestas mensae accumbet cum Corona in capite et habitu Sancti Stephani, cui etiam Dominus Archiepiscopus Strigoniensis, Nuntius Apostolicus et Legati Coronarum a dextris, [p. 55.] et e Regione a sinistris Palatinus et Archiepiscopus Colocensis assident modo et ordine antea observato. Sedenti vero Regi Corona e capite deponitur, et in Auream Pelvim imponitur, ad sinistrum cornu mensae, quod a dicto ejusdem Supremo Aulae Praefecto fiet. Ordo et Servitium Mensarum Suae Majestati mantile Archiepiscopus Strigoniensis porriget. Lavacrum Palatinus Regni ante prandium. Post prandium lavacrum Comes. Mantile Comes. Praecisor ad mensam Comes. Pocillator Pincernarum Magister Comes Franciscus Batthyány. Prandenti Suae Majestati assistent Comites. Magister Curiae cum Scipione. Mantile Domino Archiepiscopo Strigoniensi porriget Comes. Palatino Comes. Archiepiscopo Colocensi Comes. Nuntio Apostolico Comes. Legatis Comites. Qui autem mantile porrigent, pocula etiam administrabunt. Magister Dapiferorum Comes Petrus Ziczy. Dapiferi denominabuntur ex Comitibus et Liberis Baronibus circiter viginti per Palatinum. Bos, ut moris est, assabitur et assidenti Suae Majestati particula ex eodem praesentabitur, caeterum dividetur in populum. Accumbente mensae Sua Majestate quarta fit explosio tormentorum. 206
