Lichtneckert András: Veszprém vármegye községeinek urbáriumai, úrbéri és telepítési szerződései 1690-1836 - A Veszprém Megyei Levéltár Kiadványai 21. (Veszprém, 2009)
Urbáriumok, úrbéri és telepítési szerződések
Doba, Kispirit, Kis- es Nagykamond urbariuma 1747. julius 3. Primo. Educilum, velut pure dominale beneficium, juxta articulum 36. anni 1550, receptemque praxim et consvetudinem etiam in aliis dominiis practicatam reguletur, et subditis non nisi lege definito tempore admittatur, dominio vero in caupona seu diversorio suo vinorum et omnium aridorum educilatio libera per totum annum relinquatur. Secundo. Macellum aeque ut pure dominale beneficium dominio cedat. Tertio. Omnes coloni quemadmodum haereditarii, ita et hactenus arendatitii jugalia habentes, cum jumentis qualibet septimana duorum dierum vel loco jugalium quatuor dierum robottas juxta dispositionem dominii praestare teneantur, jugalia vero non habentes, quatuor dierum manuales robottas hebdomadarum subeant. Quarto. Temporibus viniculturae, vindemiationis, araturam, seminationis, messis, convectionis frugum, falcaturae ac cumulationis et comportationis foeni a principio usque ad finem pecora habentes jugalibus, manuales autem manuali opere intersint, ita tamen ut ejusmodi laborum praestationes in quantum haebdomadalem robottam superarent talismodi superfluae robottae ex antecedentium vel subsequentium haebdomadarum robottis deducantur vel in rationem talium haebdomadarum imputent. Quinto. Juxta articulum 15-tum Uladislai Regis Decreti 7-mi quot annis quivis colonorum et inquilinorum censum Sanctorum Georgii militis et Michaelis archangeli pendat dominio a floreno uno modalitate et tempore in praescripto articulo denotato. Sexto. Juxta articulum 17-mum praecitati decreti quivis subditorum, quot annis duodecim pullos dominio administret. Septimo. Juxta subsequentem articulum ita et hactenus practicatum usum siquidem dominium episcopatui Jaurinensi pactatum solvat et decimam redimat ex omnis generis frumento, agnis item haedis et apibus decimam et nonam solvant et more consveto juxta dispositionem dominorum officialium convehant. Octavo. Modalitate articuli 19-ni ejusdem decreti ad ansellum praestationem obligentur. Nono. Juxta subsequentem articulum 20-mum sabellicos saginatos modalitate ibidem expressata praestare teneantur. Decimo. Inquilini domos proprias habentes juxta articulum 22-dum ejusdem decreti regulentur, subinquilini vero annuatim duodecim dierum manuales labores praestent. Undecimo. Ad diaetales, nuptiales, baptismales et funebrales expensas a justa proportione concurrant juxta articulum 39-ni 1548. Duodecimo. Tempore glandium ubi sabellicis subditorum ad sylvas dominales ad glandinandum admittuntur, censum in quo convenire poterunt dominio pendant.
