Lichtneckert András: Veszprém vármegye községeinek urbáriumai, úrbéri és telepítési szerződései 1690-1836 - A Veszprém Megyei Levéltár Kiadványai 21. (Veszprém, 2009)
Urbáriumok, úrbéri és telepítési szerződések
Decimo 3-tio. Exstirpaturas pro agris et pratis sine scitu et indultu dominii sub amissione talium et absque ulla mercedis refusione facere non praesummant, secus si fecerint et in succisione comprehensi fuerint poena in succisionis et decorticationis insuper incurrant. Decimo 4-to. Pro aedificiis necessariis ligna in sylvis dominalibus pariter sine scitu et annuentia dominii secare et auferre non praesummant, secus comprehensi toties, quoties duodecim florenorum poena mulctentur. Decimo 5-to. Ad majorem festa utpote Nativitatis Domini, Paschae, Penthecostes et tempore Bachanaliorum ad venationem cum aliquarum possessionum incolis et subditis concurrere sint obligati, ipsis vero venatio et aucupium prohibita sint, non secus piscatio. Decimo sexto. Ad instar reliquorum dominorum quatuor coloni sive haereditarii, sive arendatitii conjunctim juxta receptam etiam consvetudinem per annum pro longa vectura unum currum praestent. Decimo 7-mo. Proventus dominales birsagiorum et crucutationem more consveto dominio cedunt. Decimo 8-vo. A terris et pratis exstirpatitiis more in aliis quoque dominiis observato in sortem teragii nonam et cappones vel loco eorundem consvetum censum pendant. Decimo 9-no. A promontoriis jus montanum intranei quidem pure ex vino, extranei vero propter jus montanum juxta hactenus observatam consvetudinem cappones et panes pendant. Vigesimo. In promontoriis ubi terrae arabiles et prata habentur, ex iisdem dominio in sortem teragii decima capetia frumenti, a duobus item falcastris prati unus capo vel ejusdem loco sedecim denarii praestent. Vigesimo 1-mo. Siquidem autem in promontoriis hujus dominii damnabilis mos irrepsit ex invigilantia vel conniventia officialium, ut sine scitu dominii promontoriorum magistri dum quis novam vineam assumpsit inplantandam annos libertatis ipsi dederint et dum anni libertatis pro libitu magistrorum promontorii extensi effluxistent, jus montanum ipsi magistri promontorii regulaverint, ac ipsi primo anno perceperint et vineis improportionate imposuerint, ideo ejusmodi damnabilis usus aut potius abusus ut tollatur necesse est. Quemadmodum ejusmodi regulationem, vinearumque dimensurationem et juris montani juxta impositionem in praesentia tamen officialium comitatensium instituendam dominium pro se reservat. Vigesimo 2-do. Juxta observatam hactenus consvetudinem quilibet colonus aut arendatitius currum lignorum focalium devehant aut ejus loco robottam et capponem unum praestent, respectu Nagykamond cessante conventione petuntur aequaliter regulari cum etiam unius longioris vecturae impositione. Paeterea observari poterit ex conscriptione erga revelationem juratam subditorum peracta, quod in oppido Sagh ac aliis etiam possessionibus sub colore et praetextu fiscalitatis nonnulli subditi plures quam sibi competebant terras etiam dominales pro se usurpaverint, ideo ejusmodi perperam
