Tóth György (szerk.): Az Unitárius Egyház rendszabályai 1626-1850 - Az Unitárius Egyház törvényeinek gyűjteménye 3. (Kolozsvár, 1922)
II. Könyv 1694 - 1718
73 pollentes, tum donis spiritualibus exornatos, in consistorium sive senatum Ecclesiae selegit, ipsi superintendenti, tanquam praesidium quoddam loco auxilii opportuni prudentissime adjunxit. Horum primum officium, quod ad vitam attinet, est idem quod episcopi, eo quod Paulus is epistola ad Timoth. et Titum, I. Tim. 3. Tit. I. imo et alibi frequentissime, episcopi nomine, non in specie, ut posterior aetas usurpavit, sed in genere usus est. Quocirca opo tet omnes qui in co[n]sjstorio, imo et in toto ministerio erunt, sine crimine esse, tanquam Dei dispensatores. Secundo. Hi ipsi deliberabunt etiam de synodo convocanda, cum superintendenle, ne ob leves, futilesque causas ex tot tamque diversis ac remotis locis ministri, praesertim tenuioris sortis, accersiti, inutiles sumptus facere, multasque alias devorare molestias cogantur. Demr etiam opera, quoad ejus fieri potest, ne importuno tempore, puta, parte anni validioribus tempestatibus obnoxia, aut quando fruges ex agris colliguntur, et convehuntur, (nisi forte gravissimae, et quae moram nequaquam patiantur, causae obstiterint) publica talis convocatio instituatur. Ita enim de statu communi reste pacateque conservando prospiciendum, ut interim occasio mercedem, et laborum fructus percipiendi singulis, non eripiatur. Tertio. Mos fuit haud illaudatus inde ab initio in omnibus ecclesiis pietatem et puritatem doctrinae retinere studentibus, ut Catechesim, quae praecipua fidei ac religionis Christianae capita complecteretur, in publicum ederent, juxta cujus postea normam, tenella praecipue ae as, salutiferis praeceptis imbueretur, ac informaretur. Ideo viri graves, docti, et spiritu Dei ducti, in consistorium assumpti, curam habebunt cum episcopo de confessione publica, Catechesique ex limpidis divinorum oraculorum fontibus depromenda, et in vulgus edenda. Ne videlicet unus et alter, vel judicio decepti, vel impetu aliquo affectus, studio gloriae rapti, aliquid in lucem proferant, quod postea non nisi difficulter, cum magno ecclesiae detrimento, aut etiam vulnere, consopiatur, atque componatur. Quarto. Quoniam saepe incidunt in vita et consortio hominum causae, cum aliae difficiles, tum quae ad Conjugia spectant, ita molestae et intricatae, ut non unius, vel alterius, sed plurium omnino, et quidem eorum, qui judicio haud parum valent, opera in dijudicandis illis opus sit, consistorii munus erit, cum superintendente, eas ex verbo Dei, et juxta rationes, cum lege naturae
