Drăgan, Ioan (szerk.): Mediaevalia Transilvanica 2003-2004 (7-8. évfolyam, 1-2. szám)
Ioan Aurel Pop: Între Habsburgi şi Otomani: Transilvania la mijlocul secolului al XVI-lea
158 loan-Aurel Pop rationibus cognoscimus, nec unquam credimus nos misera mancipia vestrae maiestatis invictissimae vitam ac libertatem assecurari posse. Dignum est itaque nos timere et pererhorescere39 vestrae invictissimae maiestatis maximam potentiam ac refugiendam iram, quibus perspectis, iuxta vestrae invictissimae caesareae maiestatis clementissimum mandatum, propter libertatis vitae et patriae ex vestrae invictissimae maiestatis naturali et gratuita gratia et defensione retentionem ad vestrae invictissimae maiestatis perpetuam fidem et fidelitatem et iuxta mandatum potentissimum ac gratiosissimum vestrae invictissimae caesareae maiestatis ad fidelitatem filii regis Ioannis et reginalis maiestatis nos servamus. Et propterea, invictissime et potentissime caesar, quod vestra maiestas ex sua innata clementia dignata est suum pupillum et orphanum nobis pro et in Dominum constituere et reduci curare, propter hanc rem una cum suis maiestatibus nos videlicet cum regis filio domino nostro clementissimo ac cum regali maiestate domina nostra clementissima, pro vestra invictissima caesarea maiestate, sine intermissione et perpetuo Deum altissimum exoramus et ingentes gratias agimus, ac una cum suis maiestatibus perpetuo volumus in vestrae invictissimae caesareae maiestatis fidelitate et sub eiusdem maiestatis vestrae defensione et protectione, secundum divini consilii voluntatem et iuxta maiestatis vestrae caesareae invictissimae gratiosissimum mandatum permanere. Et supplicamus humillime vestrae invictissimae caesareae maiestati, prepotentissime imperator, ut nos, indigna mancipia propter altissimum Deum primo, propterea ut nostra erga vestram invictissimam et potentissimam maiestatem caesaream fidelitas, fiducia et verborum nostrorum verificatio probetur et manifestetur. Deinde, ut maiestatis vestrae invictissimae mandatum et voluntas plenius et confidentius undique possit impleri nobis ex suae invictissimae et potentissimae maiestatis naturali clementia conservet vitam contra Ferdinändum et suos fideles, hic in patria et terra nostra et praecipiat maiestas vestra invictissima Moldaviensi et Transalpino vaivodis, ut sese quamprimum moveant cum suis copiis et nobiscum consentiant et sint et, prout regni huius status et negotium postulat, una nobiscum iuxta mandatum vestrae invictissimae cesareae maiestatis possimus, primo vestrae invictissimae maiestati, deinde filio regis domino nostro clementissimo ac regali maiestati dominae nostrae gratiosissimae servire, quia nos, invictissime imperator, usque ad omnium nostrarum rerum defectum et eo usque donec capita nostra erigere possumus, vestrae invictissimae ac potentissimae cesareae maiestatis mandata volumus sequi et servire filio regis domino nostro ac reginali maiestati dominae nostrae clementissimae. 39Sic!
