Zsoldos Attila (szerk.): Hercegek és hercegségek a középkori Magyarországon. Konferencia Székesfehérváron 2014. szeptember 20. - Közlemények Székesfehérvár történetéből (Székesfehérvár, 2014)
B. Halász Éva: 14. századi hercegek és hercegnők oklevelei
14. SZÁZADI HERCEGEK ÉS HERCEGNŐK OKLEVELEI Átírja a csázmai káptalan, 1458. ápr. 18-án (HDAACZ AA 23/23, fényképmásolata: DF 256 497.). Ed.: Halász: Bajor Margit 114-116. (no. 9.). Reg.: Kercselich: Hist. eccl.Zágráb. 132., KatonaX. 117., F CD IX/2.417-418. (no. 205.), CDCr XII. no. 238., Halász: Szlavón 238-239. (no. 465.). Margaretha Dei gratia totius Sclauonie, Croatie et Dalmatie ducissa universis Christi fidelibus, tam presentibus, quam futuris, presentium notitiam habituris salutem in omnium Salvatore. Ea, que devotio Christi fidelium ad profectum et commodum sancte matris ecclesie offert vel disponit, convenit superiori ad effectum perducere et stabilitate perpetua roborare. Hinc est, quod discreti viri, domini, capitulum Zagrabiensis ecclesie nobis seriöse exponere curaverunt, quod nobilis vir Endrey filius Lukachii de genere Acha olym infirmitate gravatus, sanus tamen mente in claustro fratrum predicatorum Zágrábié tunc existens quandam villam suam Zlaunouch vocatam inter possessiones et terras episcopales et eiusdem capituli constitutam in presentia quamplurium ecclesiasticarum et secularium personarum ipsis et ecclesie Zagrabiensi legaveret intuitu pietatis ipsamque villam vigore dicti legati et testamenti ydem capitulum annis quamplurimis possederant pacifice et quiete, quamvis postmodum Nicolaus condam banus totius Sclauonie, ipsam villam potentialiter ab eodem capitulo abstulerit et applicaverit ad servitia castri Medwe, quare nobis humiliter supplicarunt, quatenus ob reverentiam Dei et sanctorum regum Stephani et Ladislai et pro salute anime excellentissimi principis, domini Stephani bone memorie, quondam Sclauonie, Croatie et Dalmatie ducis, nostri consortis ac etiam pro eo, quia ipse dominus Stephanus dux ob gaudium nativitatis incliti principis, domini Iohannis ducis, sui primogentiti, nostri filii karissimi tunc Zágrábié existens firmo proposito concepto promiserat eidem capitulo donationem facere de possessionibus magni valoris, quam morte preventus nequivit adimplere, dignaremur ipsam villam restituere eidem capitulo et ecclesie Zagrabiensi possidendam, sicut prius more et libertate, quibus alias possessiones eorum noscuntur possidere. Certificata igitur de premissis et singulis premissorum per viros ecclesiasticos et nobiles illarum partium et specialiter de generatione predicta habitaque deliberatione matura cum nostris baronibus ad supplicationem eiusdem capituli, consideratis supraexpositis predictam villam cum omnibus suis utilitatibus et pertinentiis, prout eam primo idem capitulum possiderant, restituimus eidem capitulo et ecclesie Zagrabiensi in ea libertate, qua alias possessiones eorum noscuntur possidere, perpetuis temporibus possidendam, pleno iure facientes ipsum capitulum in possessionem et dominium eiusdem ville per Iacobum litteratum, nostrum hominem introduci hoc expresso, quod predictus dominus Iohannes dux, filius noster karissimus premissam donationem domini Stephani ducis, patris sui, cum pervenerit legitimam ad etatem, nichilominus perducet ad effectum in maioribus considerato voto patris sui, prout sibi Dominus inspirabit. In quorum omnium testimonium et perpetuam firmitatem presentes nostro sigillo maiori, pendenti communitas duximus concedendas. Datum Zágrábié, in vigilia festi beati Thome apostoli, anno Domini millesimo trecentesimo quinquagesimo quinto. 62. 189
