Szily János: Instructio venerabilis cleri dioecesis Sabariensis (Szombathely, 1855)
81 lO-o. Vico-Archidiaconorum est, omnem adhibere sollicitudinem, ut Curati moribundi condito praevie testamento, sacramentis extremis provideantur. Item mortuos decenter quidem, sed absque superfluis sumtibus sepulturae mandare. CAPUT AXI. De correlationibus Parochorum, et Capellanorum. Cum Parochus, et Capcllanus Ordine aequales sint, et Parochus ceu stricti nominis Curatus solus oneri reddendarum super ovibus suae curae concreditis rationum subjaceat; Capcllanus vero Parocho tantum cooperetur, et in officiosis suis functionibus, ac mornlitate Parochi inspectionis jus revereri obligetur; quid sit reciproci juris, et officii inter utrumque? facile definitur, nisi charitatis fraternae, et justae co- ac subordinationis defectus impediat. Licet proin justis non foret danda lex; cum tamen evenerit, evenireque poterit, ut Parochus, et Capellanus humani quid patiantur, ex praemissis principiis nonnullas a Parocho, etCapellano in suis mutuis correlationibus observandas deducimus leges. f-o. Cum Parochus, et Cooperator ordine aequales sint; Parochus Capellanum ut Confratrem suum tractabit, amore, et amicitia prosequetur, ejus auctoritatem coram parochianis tuebitur, procurabitque; ut domi forisque eidem Presbyteri honos exhibeatur. Cooperator vero Parocho annis passim provectiori, experientia, et meritis ditiori, justam reverentiam exhibebit; 2- 0. Quia solum Parochum ferit rationum coram Deo, hominibusque reddendarum onus, Capellanus Parochi dispositionibus muneris pastoralis administrationem respicientibus semet accomodabit, in ea, quae ad exclusiva Parochi jura spectant, absque provocatione se minime ingerendo. Diximus „exclusiva Parochi jura“ Parocho enim non est integrum, Cooperatorem a functionibus, quas hic virtute jurisdictionis suae obibit, propria auctoritate prohibere, vel illius zelum discretum restringere. Verba enim Apostoli 2. Timoth. 4. 2. „Praedica verbum, insta opportune, importune“ Capellano ita dicta sunt, ac Parocho. 3- 0. Capellanus est Cooperator Parochi, ergo non unicus operarius. Quare officia parochialia inter utrumque secundum justitiae, et aequitatis normam subdividantur. Beneficium datur propter Officium. Hinc Parochus sanus, et vegetus muneris pastoralis onus ad normam, quam nunc diximus, portabit. Ast senem, cujus vires muneris pondus fregit, aequi, justique Capellanus duplo virium im
