Szily János: Instructio venerabilis cleri dioecesis Sabariensis (Szombathely, 1855)
77 Assessoribus a Nobis delectis, ac imposterum deligendis constat. Huic Nos ipsi, quantum per alia negotia poterimus, praesidebimus; in Nostri autem absentia — nisi Generalem in Spiritualibus Vicarium constituerimus — senior Assessor praesidebit. Hoc Consistorium in regula binis per hebdomadem vicibus ab hora decima matutina celebrabitur, in eoque omnes causae matrimoniales, negotia Parochos, et alios Clericos attinentia pertractabuntur, et examina Suscipiendorum, Ordinandorum, nec non ad Beneficia curata aspirantium asservabuntur, denique omnia alia, quae ad idem Consistorium releganda censuerimus, definientur. Ad valorem, et integritatem hujus judicii trium adminus Consistorialium, incluso Praeside, praesentiam adeo requirimus, ut si quid a paucioribus, quam tribus, conclusum, ac decisum fuerit, illud pro nullo, ac irrito jam nunc declaremus. Quapropter cunctos Dioecesis nostrae Clericos, et praesertim Parochos admonemus, ut nostrae hujus constitutionis non solum ipsiinet memores sint, verum etiam populum suum de illa adaequate informent, quatenus tum ipsi, tum parochiani, dum quodpiam negotium habuerint, debito modo, et tempore ad V. Consistorium nostrum recursum sumere valeant. CAPUT XX. De Officio Vice-Archidiaconorutn. Cum Vice-Archidiaconi in medio Fratrum suorum Parochorum, Cooperatorum, et populi vivant, et defectus, si qui per hos committantur, facilius animadvertere queant, Nos illos in partem sollicitudinis pastoralis vocare, eorumque adjutorio libenter uti volumus. Quo ex fundamento, quanto majorem in eorum fide, et opera fiduciam collocamus, tanto etiam diligentius, solertius, et absque rerum, et negotiorum procrastinatione credito sibi munere defungantur, firmiter de eo persvasi; quod sicut diligenti officii sui implemento magna coram Deo, et hominibus posituri sunt merita, ita subituri sint grave conscientiae suae, et rationum reddendarum onus, si munus suum negligenter obeundo, defectus, et scandala ex sua partim desidia, partim conniventia oriri siverint. Munus hoc Vice-Archidiaconormn sequentibus absolvitur: l-o. Vice-Archidiaconi currentabunt per Districtum suum universa C. R. Mandata, Intimata, Dispositiones, et Encyclicas Episcopales, una curantes, ut has pro successorum etiam directione singuli Curati, in quantum typis impressae sunt, in Archivo parochiali asser-
