Szily János: Instructio venerabilis cleri dioecesis Sabariensis (Szombathely, 1855)
73 cum perverso perverteris. Psalm. i7. v. 26. 27. Caeterum ubt vel necessitas, vel charitas, aut urbanitas poposcerit, cum acatholicis versari, eam Parochi morum gravitatem, et charitatem, ac benevolentiam ostendant, qua sui, et religionis nostrae catholicae aestimationem quamdam in eis excitent. Studeant primum per indifferentem sermonem, et communia humanitatis officia animis eorum 6e insinuare, ac sensim principia fidei nostrae illis instillare. Caveant, ne seu ex cathedra, seu in privato colloquio convitiis, et contumeliosis verbis eosdem afficiant, atque aspere tractent; verum cuivis illorum debitum titulum, et honorem tribuendo, omnem mansuetudinem, compassionem, et serviendi promptitudinem exhibeant. Hinc in illorum usu, quae ipsis per leges patrias, aut benignas C. R. Resolutiones concessa sunt, eosdem non turbent; una tamen Parochi vigilem curam habeant, ne acatholici concessos sibi limites excedant; et si quempiam excessum animadverterint, aut ipsimet quam primum corrigant, aut Nobis, vel V. Consistorio nostro pro correctione deferant. Inter reliqua praecipue animadvertant, ut proles ex matrimonio mixto, seu ex parente altero catholico, altero acatholico ortae, non minus orphanae, seu utroque parente, seu catholico, seu acatholico destitutae in religione catholica educentur; famuli, et famulae apud acatholicos existentes ab observatione praeceptorum Dei, et Ecclesiae, ac in specie diebus festis, ac dominicis, ab auditione verbi divini, et missae sacrificii, ab observatione abstinentiae a carnibus diebus veneris, ac sabbathi, ac jejuniorum, a confessione, ac communione paschali nullatenus arceantur, minime vero ad aliqua fidei catholicae opposita seu directe, seu indirecte inducantur; et si hujusmodi defectus detexerint, ac aliquem catholicum ipsorum oratoria, et coetus adire, aut plane spreta fide catholica ipsorum religionem sequi deprehenderint, tales tum Nobis, aut V. Consistorio nostro, tum Potestati saeculari denuncient. Nullum quidem spe solius temporalis cujusdam proemii ad fidem catholicam adducant, aut admittant; attamen si etiam in temporalibus convertendis, et conversis succurrere potuerint, prompte faciant. Tum enim charitatem perfectam exercebunt, si utriusque misericordiae opus praestabunt; et experientia compertum est, multos haereticos orthodoxam fidem facilius amplexuros esse, si temporalibus quoque provisi fuerint. Denique cum fides sit donum Dei, et in cassum quiscunque foris laboret, nisi Deus intus per gratiam moveat, omnes, praesertim animarum Curatores rogamus, et obsecramus, ut Deum pro haereticorum, et infidelium conversione orare, et susceptis voluntariis poenitentiis, aliisque piis operibus propitium reddere nunquam desinant. 10
