Szily János: Instructio venerabilis cleri dioecesis Sabariensis (Szombathely, 1855)
56 CAPUT AI. Dc Poenitentia. Quemadmodum Baptismus nondum regeneratis, ita sacramentum Poenitentiae lapsis post Baptismum est necessarium. Ideo Poenitentiam secundam post naufragium deperditae gratiae tabulam, et laboriosum Baptismum s. Patres apte nuncuparunt. Trid. Seas. 6. c. 14. de Justif. et Sess. 14. c. 2. de Poen. Multis quippe tum ex administrantis, tum suscipientis parte opus est, ut veri fructus ex hoc sacramento decerpantur. Si igitur animarum Curatores in aliqua officii sui parte, in alicujus sacramenti administratione oportet esse diligentes, prudentes, ac providos: in hoc sane administrando peculiarem diligentiam, prudentiam, et providentiam debent adhibere. Quare Parochi, et parochiarum Administratores quam frequentissime de Poenitentia, velut adultis maxime necessaria e sacro suggestu dicant. Exponant hoc sacramentum a Christo Domino institutum, ejusque ministerium Sacerdotibus commissum esse; Trid. Sess. 6. c. 6. de Justif. et Sess. 14. c. 1. et 2. de Poenit. Qüasi-materiam ejus esse actus poenitentis, confessionem, contritionem, et satisfactionem. Doceant eos praxim bene confitendi; qua ratione nimirum ante confessionem, conscientiae suae omnes Sinus excutere, contritionem vel perfectam ex motivo infinitae bonitatis divinae, vel imperfectam ex metu gehennae, vel turpitudine peccati elicere, firmum propositum amplius non peccandi concipere, omnia peccata mortalia, quorum recordantur, quoad speciem, et numerum sincere, ac humiliter confiteri, denique poenitentiam a Confessario impositam exacte persolvere debeant. Et quoniam hujusmodi confessionis difficultas, et peccata etiam occultissima detegendi verecundia gravis esse videtur, uberrimos hujus sacramenti fructus explicent, qui sunt: justitia, et pax, et gaudium in Spiritu s. Rom. 14. v. 37. Est justitia, seu gratia sanctificans, ex inimico faciens amicum, et filium Dei. Est pax cum Deo, secum ipso, et proximo; est pax ab inimicis nimirum peccatis, quae delentur, a daemonibus, qui fugantur, a passionibus propriis, et remorsibus, qui expositi Patri spirituali sedantur, extinguuntur, ac spiritui subjugantur. Cum enim placuerint Domino viae hominis, inimicos quoque ejus convertet ad pacem. Prov. 16. v. 7. Est gaudium in Spiritu s., dum libere a servitute peccati, sedata conscientia, toti alleviati meliorem spem salutis concipiunt ex humili confessione, et accepta absolutione. Auditui quippe illorum dabit Deus gaudium, et laetitiam-, et exultabunt ossa humiliata. Psalm.
