Szily János: Instructio venerabilis cleri dioecesis Sabariensis (Szombathely, 1855)
19 corda centra in crapula, et ebrietate, et curis hu jus vitae, et superveniat in vos repentina dies illa. Tanta, et tara gravia mala possent, et deberent quemlibet hominem, tanto magis ecclesiasticum virum ab ebrietate deterrere: sed si his minime commoti, nonnulli Clerici ab excessivo vini potu non abstinuerint, Nos canonicam in eos ultionem adhibebimus, et omni ecclesiasticae poenae genere utemur, ut tam foedum, et execrabile crimen a Clero nostro fugemus. Non absimiliter cum Concilio Agathensi c. Presbyterii 19. Dist. 34. omnibus inhibemus: Xe his coetibus misceantur, ubi amatoria cantantur, et turpia, aut obscoeni motus corporum choreis, et saltationibus efferuntur, ne auditus, aut obtutus sacris mysteriis deputati, turpium spectaculorum, atque verborum contagione polluantur. Minus ipsimet in domibus suis saltum instituant, aut ab aliis institui permittant; minime vero ipsimet choreas agere, ducere, vel dirigere praesumant. Vile namque, et probrosum est, eum, qui non pridem divina mysteria in altari in conspectu angelorum operatus est, et paulo post iterum operabitur, inter diversas, et scenicas personas in orbem se circumagere, et insanis corporis motibus tripudiare. Qui tale dedecus ordini clericali inferre attentaverit, in eum Nos ad exemplum cunctorum graviter animadvertemus. Ad ebrietatem cunctaque haec magis vitanda cum Cone. Later. III. c. i5. de vita, et honestate Clericorum, et Trid. Sess. 24. c. 12. de Reform, interdicimus, ne Clerici tabernas, et diversoria ingrediantur, nisi forte causa necessitatis in itinere constituti, atque ea occasione feminis, licet notis, et honestis se non associent, ac mensae non accumbant; minime vero laicis compotantibus, inprimis rusticis, se adjungant. Nam in ejusmodi locis diversi, et ignoti homines ex familiari, licet innocenti , cum feminis agendi modo facile offendi possent: ex turpi autem, et indecora cum licentiosis laicis, inprimis ruralibus, consuetudine plurimum vilesceret ecclesiastici ministerii dignitas. CAPUT X. De Lusu, Venatione, Percussione, Blasphemiisque vitandis. Ne Clerici diversis a sancta sua vocatione studiis ad saecularia desideria avocentur, pridem Concilia, ac inprimis Later. III. c. 15. de vita, et honestate Clericorum sanxerunt: ut ad aleas, et taxillos non ludant, nec hujusmodi lusibus intersint, et Trid. Sess. 22. c. 1. de deform, statuit: ut, quae alias a Stimmig Pontificibus, et a sacris Conciliis de Clericorum vita, hone-
