Szily János: Instructio venerabilis cleri dioecesis Sabariensis (Szombathely, 1855)
men hoc examine potest Ordinariatus — auditis synodalibus Examinatoribus— dispensare tales Presbyteros, qui illud prima vice cum calculo eminentis subiverunt, aut ab illo tempore eruditionem non vulgarem, et singularem animarum curandarum dexteritatem manifestarunt. Arcentur vero: qui ex respectu morum, quos praesetulerunt, beneficio indigni reputantur. Examen Synodale bis per annum, mensibus videlicet Majo et Septembri, instituitur; quare eos, qui illud praefixo termino subire parant, oportet hanc suam intentionem decem diebus ante eundem terminum Officio nostro Dioecesano insinuare. Examinatores Synodales in tres Sectiones subdivisi sunt. Harum una ex Jure Canonico, et Decretis Concilii Tridentini, altera e Theologia morali et pastorali, tertia e Dogmatica et Exegesi respectivos pertentat. Examen aliud est orale, aliud scripturisticum. Examen orale praemittitur, cujus objecta superius nunc recensebantur, insti— tuiturque lingva latina. Examen scriptum fingva vernacula instituitur, itu quidem, ut liceat iis, qui plures lingvas callent, totidem lingvis pro sui commendatione uti, quot quilibet callet, et in Dioecesi vigent; partem assignati thematis hac, partem alia, atque alia concinnando. Pro exarando elaborato scripto decem horarum spatium conceditur. Assignatur autem elaborandus sermo sacer, vel catechesis, institutio privata, instructio sponsorum, parvulorum, adhortationes infirmorum etc. Qui in Examine eminentis, vel primae classis calculum ex omnibus superius memoratis objectis retulerit, pro consequendo beneficio, et canonica institutione, si secus nil obstet, idoneus reputatur. Ex uno objecto secundam referens classem, hanc obtento praevio indultu in proximo examine emendare potest; ast qui e duobus objectis in secundam classem recidit, totum examen repetendum habet. Sacerdotem occasione examinis synodalis rite adprobatum, si pro beneficio ecclesiastico curato per concernentem Patronatum praesentalus Praesentam Nobis exhibuerit, investitionemque sui petierit, quemadmodum et illum ex adprobatis, quem beneficio nostrae collationis admovendum censuerimus, si ceteroquin nihil obstiterit , Canonice instituemus. Quem jn finem instituendus fidei RCatliolicae professionem, et juramentum sic dictum parochorum typis procusum, et propria illius manus subscriptione muniendum in sacello nostro eliciet Decretum Investiturae percepturus.
