Szily János: Instructio venerabilis cleri dioecesis Sabariensis (Szombathely, 1855)

4

stiterit approbetur, si defecerit reprobetur; negligenti vero in legendo etsi sufficientis doctrinae fuerit, pro aliquo certo tempore jurisdictio spiritualis quidem concedetur, sed simul determinatus terminus pro repetendo examine per idem Venerabile Consistorium nostrum praefigetur.

CAPUT II.

De promovendis ad Benelicia Ecclesiastica.

Cum in obsequium ConciliiTridentini Sess. 24. c. 18. de Reform, vigilantissimi Praesules Regni in Conferetdiis suis Strigonii a. 1850 asservatis saluberrimum Examinum Synodalium collationi beneficiorum curatorum praemittendorum Institutum unanimi suifragio instaurandum statuerint, Sua vero Majestas Sacratissima conclusum hoc Praelatorum per altissimam Resolutionem ddto. 13-ae. Februarii a. 1853 editam benigne acceptaverit, pro legali recognoverit, ac simul disposuerit, ut illud etiam quoad privatos Ecclesiarum Patronos vigorem sortiatur: nemo Sacerdotum adipiscendi, adeundi, et tenendi cum elfectu investiturae canonicae beneficii curati, sive collatio ejus libera sit, sive erga praesentam concernentis Patroni fiat, habilis censebitur; nisi in examine concursuali sufficientis doctrinae, dexteritatis, et in sacratioribus scientiis profectus sui specimina dederit, ac approbari mereatur. Ad examen Synodale admittuntur illi, qui beneficio omni sub respectu se dignos reddiderunt, et in cura animarum vel alio Officio ecclesiastico triennium jam exegerunt.

Exempti a subeundo Examine concursuali sunt: SS. Theologiae Doctores ex toto, .luris Canonici Doctores intuitu Juris Canonici, et Decretorum SS. Concilii Tridentini, Licentiati vero et Baccalaurei relate ad disciplinas, e quibus approbationem retulerunt. His accedunt actuales Theologiae Professores, qui ex toto dispensati habentur, si munus Professoris jam tribus annis eminenter obiverunt. Ordinariatus habet jus — sed tantum auditis synodalibus Examinatoribus — ab obligatione synodalis examinis subeundi tales quoque viros dispensandi, qui theologicam suam eruditionem qua auctores, aut per administratum sex annis aliquod eminens munus ecclesiasticum sufficienter comprobarunt.

Examen synodale, quod quis bono cum calculo subivit, in regula sex annis valet, quibus elapsis idem examen tam curati, qui ad aliud beneficium transferri, quam candidati, qui nunc primum beneficio admoveri intendunt, repetere tenentur. A repetendo ta-