Szily János: Instructio venerabilis cleri dioecesis Sabariensis (Szombathely, 1884)

— 68

periculo animarum in diversis locis horrendum in modum grassantia v. g. blasphemiam in Deum, deiparam Virginem, Angelos, et Sanctos severa censura perstringatis, et quolibet die Domini, et festo post s. dictionem praemissis verbis „Oremus pro plasphemorum convers:one“ Unum Pater, et Ave una cum populo persolvatis.

Abstinete praeterea in dicendo ab omnis irae, et vindictae impetu ; neminem particulariter nominetis, vel arguatis, minus Superiores seu ecclesiasticos, seu saeculares, minime vero Principes regnantes perstringatis; sed omnes in genere, non ludicre, ast graviter; non aspere, ast modeste; non iracunde, sed amanter docete, et monete. Ne vero quispiam Praedicatorum in hos, vel etiam graviores in annunciando verbo divino defectus incidat, omnibus ecclesiarum Rectoribus, tam saecularibus, quam regularibus mandamus, ut in parochiis, aut ecclesiis suis nullum alium seu ecclesiasticum, seu religiosum ad condonandum admittant, quam qui a Nobis facultatem, aut ad minus benedictionem ad hoc munus praevie obtinuerit. Insuper Parochi, et parochiarum Administratores populum vestrum diligenter moneatis : teneri unumquemque parochiae suae interessé, ubi commode id fieri potest, ad audiendum verbum Dei. Tmd. Sess. 24. c. j>. Sess. 5. c. 2. de Reformatione.

Demum in id maxime incumbatis, ut quod verbo praedicatis, opere compleatis, ac in omnibus vosmet ipsos bonorum exemplum praebeatis. Tit. 2. v. 7. Cum enim lux mundi sitis, et sermone, et opere lucere debetis; sed magis operando, quam loquendo proficietis; quia major est splendor operis, quam sermonis. Unde Dominus sic vult lucem vestram lucere coram hominibus, ut non audientes bonum ve-