Szily János: Instructio venerabilis cleri dioecesis Sabariensis (Szombathely, 1884)

strum sermonem, sed ut videntes opera vestra bona glorificent Patrem vestrum. Matth. 5. v. 16. Id ipsum Salvator noster praestitit, qui primum coepit facere, dein docere. Aci. 1. v. /. Eum magnum in regno coelorum vocandum edixit, qui mandata Dei fecerit, et docuerit, Matlh. 5. v. ig. Sane si contra cupiditatem bonorum loquentem populus tacite avaritiae arguat ; si sobrietatem commendantem, intemperantiae incuset; si castitatem extollentem, impuritatis notet; si contra iram detonantem iracundum esse sciat: non solum exiguum, aut nullum laboris pretium feret, sed severiori hominum judicio, et majori contemtui se exponet.

— 69 —

CAPUT IV.

Dc tradenda Doctrina Christiana.

Verum in nullo praedicationis genere majorem industriam, prudentiam, charitatem, ac patientiam a vobis desideramus, quam in parvulorum instructione. Cum enim hi novellae sint Ecclesiae plantae, ac tenelli vineae dominicae palmites, continua sollicitudine, ac paterno prorsus affectu dirigi, ac foveri debent; ut a pullulantibus semper corruptae naturae vitiis purgati, ad rectitudinem legis divinae in viros perfectos excrescant. In hoc etiam divinus noster Magister maxima amoris teneritudine praeluxit, cui offerebant parvulos, ut tangeret illos, discipuli autem comminabantur offerentibus; quos cum videret Jesus, indigne tulit, et ait illis : Sinite parvulos ad me venire, et ne prohibueritis eos, talium est enim regnum coelorum,