Szily János: Instructio venerabilis cleri dioecesis Sabariensis (Szombathely, 1884)

— 63 —

tradatur ad custodiendum, alterum copiarum ad fundatorem spectat; cum autem apiis fundationibus litterae B) etiam certam procentualem summam in aerarium publicum inferri oporteat, 4 exemplar copiarum Officium nostrum Dioecesanum Officio solutorio fine ejectandae summae procentualis exhibebit.

Tandem quoad ecclesiarum, et piarum fundationum capitalia adhuc notanda duximus sequentia:

1-0, In litterarum obligatorialium contextu semper nominetur fundus, ex quo summa capitalis levata, et in quem foenus annuum inferendum est. In fidem obligatorialium, quarum integer contextus non per Debitorem scribitur, volumus easdem per duos testes scribendi peritos coramisari. 2-0. Quia plurium fundorum interusuria minoris quantitatis, ne absque fructu in cassa respectiva haereant, junctim in unam capitalem summam ad interim, donec successu temporis in majorem, subin pro quovis fundo iterum specialiter distingvendam summam increverint, redacta elocari volumus, in procurandarum desuper obligatorialium contextu fundi isti omnes specifice designentur, quo in merito formulare in appendice sub VII. positum adhiberi volumus. 3-0. Capitalia omnia ad ecclesias, et pias fundationes attinentia, si florenorum 20 summam attigerint, antiqua, quae nondum intabulata sunt, et nova erga expensas Debitoris intabulari jubemus. 4-0. A capitalibus intabulandis interusurium in sensu legum civilium stipuletur. 5. Cum interusuria ultra tres annos exhaerentia via juris non semper obtineri queant: ideo hortamur omnes Parochos, et parochiarum Administratores, ut capitalium ecclesiae, et fundationalium interusuria quotannis accurate persolvi faciant, Debitores is solvendo foenore tardos annue moneant.