Szily János: Instructio venerabilis cleri dioecesis Sabariensis (Szombathely, 1884)

- 64 —

Siquis Beneficiatorum in assecurandis capitalibus, vel eorum interusuriis praedictas cautelas adhibere neglexerit, hujus neglectionis sequelae eidem imputabuntur.

CAPUT III.

Dc Praedicatione Verbi Divini.

Cum teste Paulo Rom. io. v. /7. fides sit ex auditu, auditus autem per verbum Christi, omnium ad curam animarum destinatorum praecipuum munus est praedicatio evangelii, prouti Part. /. c. 5. attigimus. Idcirco Christus Dominus opus redemptionis nostrae inchoaturus, de se ipso pronunciavit: Spiritus Domini super me : propter quod unxit me evangelizare pauperibus, misit me sanare contritos corde, praedicare captivis remissionem, et coecis visum, dimittere confractos in remissionem, praedicare annum Domini acceptum, et diem retributionis. Luc. 4. v. 18. ig. Idcirco illo consummato in coelum ascensurus Apostolos suos jussit in mundum universum ire, et praedicare Evangelium omni creaturae. Cui mandato fideliter obtemperantes profecti praedicaverunt ubique Domino cooperante, et sermonem confirmante sequentibus signis. Mare. i6. v. /5. 20. Hinc, quamvis sacramentorum administratio sit in se sancta, utilis, imo necessaria operatio, minorem tamen esse praedicatione verbi divini Doctor gentium existimavit, qui /. Cor. / v. /7. de se scribit: Non misit me Christus baptizare, sed evangelizare; quasi diceret: utrumque quidem esse officium Pastorum, utrumque ad salutem necessarium; sed praedicationem evangelii, velut fidei, et sacramentorum fundamentum, principaliorem, etmagisnecessariam, simulque