Szily János: Instructio venerabilis cleri dioecesis Sabariensis (Szombathely, 1884)

— i6o

CAPUT XX.

De Venerabili Consistorio.

Ut populo Dioecesis nostrae justitia in causis ad forum spirituale spectantibus promptius administretur, tribunal ecclesiasticum Sabariae, velut Residentiae nostrae loco constitutum est, quod ex Assessoribus a Nobis delectis, ac imposterum deligendis constat — quos simul juribus iisdem omnibus frui volumus, quae Vice-Archidiaconis conceduntur. — Huic Nos ipsi, quantum per alia negotia poterimus, praesidebimus ; in Nostri autem absentia Generalis in Spiritualibus Vicarius praesidebit. In hoc Consistorio omnes causae matrimoniales, necnon ea, quae ad idem Consistorium releganda censuerimus, definientur. Ad valorem, et integritatem hujus judicii trium adminus Consistorialium, incluso Praeside, praesentiam adeo requirimus, ut si quid a paucioribus, quam tribus, conclusum, ac decisum fuerit, illud pro nullo, ac irrito jam nunc declaremus.

CAPUT XXI.

De Officio Yicc-Archidiaconorum.

Cum Vice-Archidiaconi in medio Fratrum suorum Parochorum, Cooperatorum, et populi vivant, et defectus, si qui per hos committantur, facilius animadvertere queant, Nos illos in partem sollicitudinis pastoralis vocare, eorumque adjutorio libenter uti volumus. Quo ex fundamento, quanto majorem in eorum fide, et opera fiduciam collocamus, tanto