Szily János: Instructio venerabilis cleri dioecesis Sabariensis (Szombathely, 1884)

ad mendacia, calumnias, et injustitias inducunt, inimititias fovent, animum irrequietum efficiunt, et coram aliis contemtibilem reddunt. Si igitur quampiam injuriam personalem passi fuerint: eam forti animo dissimulent, ac Deo, velut vitae aeque, ac honoris nostri Domino offerant, indubie fidentes, quod ubi ad ejus gloriam, animaeque suae salutem honor ipsorum necessarius fuerit, eum omnino sit restituturus. Si autem in juribus ecclesiae suae injustitiam experti fuerint: eam placidis modis per gravium virorum, patrocinium, ac arbitrium reparare nitantur; ac si haec non suffecerint, tandem litem moveant; in qua tamen non personam collitigantis, sed rem tantum persequantur, quin imo eum charitatis, et urbanitatis obsequiis sibi conciliare laborent. Denique in re hac ardua duo proponimus : ut nihil temere, et sine maturo consilio agant, et si viri periti adfuerint, eos consulant; vel, si res moram passa fuerit, ad Nos recurrant.

CAPUT XIX.

Dc Ludi-Magistris, ct Scholis.

Ad curam Parochorum haud postremam spectat, probos, et sufficienter doctos Ludi-Magistros habere. Cum enim horum opera tum in officiis divinis, tum in puerorum instructione uti debeant: experientia certum est, quam magnum detrimentum et servitia divina, et pueri patiantur, si improbos, ac indoctos Ludi-Rectores sortiantur. Quoniam igitur horum conducendorum ratio recentius per „A Magyar országi Püspöki-Kar által megállapított Rendszabá-