Szily János: Instructio venerabilis cleri dioecesis Sabariensis (Szombathely, 1884)
— 155 — orum suorum fundos, res et aedificia in statu bono conservent. Nam cum omnes Beneficiati seu curali, seu non curati, ad conservanda beneficiorum suorum jura etiam ex justitia obligentur: si ea vel ex metu, et respectu humano, vel ex negligentia, et conniventia pessum ire siverint, praeter reatum culpae, coram Deo contractum, ad eorum etiam reparationem obstringentur. Verum dum iis servandis, aut vindicandis student, videant, ne modum excedant, ac per intempestivum suum zelum vulnera majora efficiant. Si namque ob quamvis minimam injuriam effervescant, et ad contentiones, et lites, praesertim cum potentioribus, ac ditioribus deveniant, procul dubio sibi, et Ecclesiae suae magis officient, Omnibus itaque consulimus, ut quosvis defectus, et injurias primum mansuete, ac paterne, perque lenia media corrigere, dein his non proficientibus, severiora adhibere consuescant. Nonnunquam superbus dives exhortationis blandimento placandus est; quia et plerumque dura vulnera per lenia fomenta mollescunt, et furor insanorum saepe ad salutem medico blandiente reducitur, cumque eis in dulcedine condescenditur, languor insaniae mitigatur. S. Greg. Past. p. %, c. 2. Omnem curam adhibeant, ut quantum per gloriam Dei, animarumque salutem licuerit, cum omnibus hominibus pacem habeant. Rom. 12. v. 18. cum Patronis, ac Dominis terrestribus, eorumque Officialibus conveniant; debitum iis honorem tribuant; et si etiam in aliquo genere monendi fuerint, prudenter, humane, et opportune eos moneant. Maxime autem suademus, ut propter privatas, ac personales injurias fere nunquam, ob praejudicia vero ecclesiarum suarum nonnisi necessitate coacti, lites inchoent. Praeterquam enim quod lites magnis expensis constent, a Pastorali etiam officio avocant,
