Szily János: Instructio venerabilis cleri dioecesis Sabariensis (Szombathely, 1884)

— 147

commendamus, ut in Stola, aliisque juribus parochialibus exigendis non sint duri exactores; cum omnibus de iis humane tractent; cum miserabilibus personis misericorditer, ac liberaliter agant, et quantum possibile fuerit, praestationes suas domales, seu lecticales quascunque non per se, sed per alios, utpote judices locorum, aut aedituos ecclesiarum colligant. Experientia quippe frequens docuit, eos Parochos, qui propria in persona hujusmodi collectas fecerunt, in varias occasiones contentionum, et subsumtionum incidisse, atque auctoritatem, ac amorem apud suos perdidisse. Illud autem omnino vetamus, ne ob Stolam, aut aliam praestationem necdum solutam sacramenta, aut sacramentalia, exempli causa: introductionem aut sepulturam differant, aut plane denegent. Si namque adversus suos parochianos seu in genere, seu in particulari quampiam querimoniam, ac praetensionem habuerint, suppetit alius modus, ac via vel ad Nos, vel ad Superiores alios saeculares recurrendo justitiam consequendi; nec decet Parochos, ob temporalia per spiritualium privationem suos vexare, ac plectere.

CAPUT XYII

De Modo agendi cum Acatholicis.

Tametsi haereticum hominem post unam, et secundum correptionem devitare, Tit. j. v io. et nec ei ave dicere, 2. jtoan. 10. divino eloquio doceamur; quia tamen eam Patriam incolimus, in qua cum acatholicis vivere cogimur: ita nos cum iis conversari oportet, ut nec nos ex eorum conversatione