Szily János: Instructio venerabilis cleri dioecesis Sabariensis (Szombathely, 1884)

metus defectionis a fide. — Si igitur ex adductis motivis partes secus impeditae Matrimonium inire parant, dummodo impedimentum non fuerit absolutum, ex quo videlicet dispensatio concedi non solet, aut non potest, Curati (si sponsi diversarum sunt parochiarum, aut Dioecesium, tunc Curatus sponsae recurrentis, vel recursum promoventis in se assumet vices,) ad Nos, in impedimentis cognationis carnalis, cujus gradus secundum Arborem consanguinitatis in Appendice sub IX. positam computantur, juxta formulas in Appendice sub X. et XI. delineatas, una schema consanguinitatis, aut affinitatis subnectentes, vel ipsi recurrere poterunt, aut promovere preces oratorum, in hoc postremo casu in fine adnectentes, se in realitatem motivorum per oratores allatorum conscientiose indagasse, haecque quantum humanitus licet, pro veris recognovisse.

Cum impedimenta Matrimonii non tantum pro foro externo, sed etiam pro interno existant, ideo hortamur cunctos Curatos, ut modum in his occultis, sive internis impedimentis procedendi, et dispensationem procurandi ex obviis Canonistis, et Moralistis accurate addiscant. Volumus tandem omnes Parochos, et parochiarum Administratores cuncta observare, quae Concilium Trident. Sess. 24-a cap. 1. de Reform, praescribit, cunctosque, quos legitime copulaverint, consveto Copulatorum libro inserere, de quo vide inferius.

Quoad matrimonia extraneorum sequentia sunt observanda: Curatores animarum matrimoniis extraneorum licite assistere possunt, si illi secundum legem a. 1879. art. 50. incolatum sibi procurantes a respectiva communitate ceu concives assumti fuerunt, et per sex hebdomades in parochia degunt. Incolae vero

8*

— IIS —