Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Ist Marx Fauth, Herr Melcher S. Bartolom, Herr Wagner vom Secretari Wesservogh gehn Wien wegen eines praedicanten von Grätz vertriben, der sich alhie hat aufgehalten, Citirt worden in Namen ir Durchl(aucht) auff deß bischoffs anhaltn. Ist Rab durch Gottes gröste barmhertzigkheit vnd schikhung mit einem Petarr durch den Obersten Adolffen graf zu Schwarzenberg, Palffi vnd Wabocirth" erobern worden vmb 2 Uhr gegen den Tag. AfnnoJ 1598. ist des herrn von Starrenpergs Osterreicherisch Kriegs Volckh ob der Enns, weil es zu Pappei vber winder gelegenn vnd abtzogen, Alhie abdanckht vnd zalt worden. Diese abdanckhung <der> Ist der Stadt kein schad, sondern mehr nutz gewesen, dann sie viel geldt alhie lassen müssen, ist nach Ostern beschehen. (21 v ) NB. 98. Ist ein mechtiger nasser herbst gewesen, so sich noch in Augusto angefangen vnd grosse wassergüß geben, da gleichwol die Weinbeer wol abzeittigt, vom Regen aber aufgeschlagen vnd durch <dürren > Windt mechtig dür vnd außzogen, das es wenig außgeben, dieser Herbst hatt verursacht, das mann wegen nasses wetter die < Boden > Ackher hin vnd wider vor neß nit hatt können anbawen, dahero das ander Jar 99. was <da> Vbrig aufzehrt <wo> worden, das nacher Afnnjo 600 die Tewrung mit sich bracht, vnd ist vom Hanns Mockhen Alhie ein metzen schwerr Traidt Per 6 tl. verkhaufft, welcher die höchste Steigerung gemacht, da sonst der metzen auf 4 S A gulden aufs höchst gangen; ist deshalben darumben gestrafft. Inn diesem Jar 98 Viel vor Weinachten ein Zimlicher Schnee, welcher die Bech verwehet, vnnd baldt am dritten Tag wider Zergangen, hat das wasser sich inn denselben vntterm Schnee aufgehalten, vnd weil es nit alsobaldt vortflissen mögen, sondern sich geschwellet, hat es endlich mit macht durchbrochen, daraus ein unversehenliche mechtige Wasserflutt worden, die grossen schaden hie vnd annders ortt abwerts gethan hat. (23 r ) A(nn)o 1599 Ist grosse Hitz gewesen vnd Wein wie Muscateller gewagsen (18 v ) vnd ein grosse menge. Doch ist der Metzen Waitz vmb 4 Taller verkhaufft worden, gar ist man Ins Bairland vmb brot geraiset. Irer vil haben in 3 Tagen khein brott khonnen haben, sein nuer von wein satt vnd gesund vnd von khernen auß dem obstt erhalten worden. 11 Der Name „Wabocirth" ist auf Grund der Erklärung Harald Pricklers Waubecurt, István Bariska schlägt dje Lösung Babosic vor
