Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Auch ist daz Rindt Viech in grosser Menge in ganz Ungern dise vnd Volgende Jahr vmbgefallen. A(nn)o 1600 Ist viel wein gewachsen, aber gantz Sawer, haben kein Khauff recht gehabt, habens selbßt außdrinckhen müssen. Diese wein seint Endlich also hoch gestigen, weiln 601. vnd 602. gar wenig worden, das <Sie> die Pintt zu 16 v(ngrisch) 6 ist verleutgebt, vnd wer Sie hat können halten, der hatt keinen schaden dabei gehabt, Sindt also gantz rain verzehrt vnd aufgangen. Inn disen herbst vnd Weinlesen hat die Infection starckh eingeriessen, Gott lob aber, nachdem es geschwindt kaldt worden vnd Schnee geben, baldt nachgelassen. Inn diesem Jar ist Canischa Aufgeben worden durch geldts willen, <so> der Obriste hat der Paradeisser geheißen, welcher nacher Köpfft worden, Vnd andern mehr Ihr recht darumb beschehen. Die Burgerschafft hat Prouandt müssen zuführen. Inn diesem Jar haben Wir auch eine Große Wassergüß gehabt vnd einen gar sehr nassen Sommer. A(nn)o (1)601 Ist das gebirg vmb Pbiltppi vnd Jacobi [01.05.1601] durch einen Kalten Regen, Windt vnd gefrier sehr beschedigt, Also daß vast nichts gewachsen, darzu was worden, nichts gutts gewesen. (23 v ) A(nn)o 1602 Hat man den Emer wein alhie vmb 10 Taller verkhaufft, ist wenig aber guet < gewesen > worden. Vnd hat man noch vor Michaeli angefangen zu lesen dann die Stadt mechtigen schaden gethan haben. Diß Jahr hat man an den Ertzhertzog Matthias eine khlag schrifft wider Marthinum Pethe vnnsern bischoff gestellt, in welcher khlag schrifft dise wortt stunden: ille (:scilicet Episcopus:) aestro percitus, welche phrasis die Stadt fast vber 200 Taller gestanden, aber ein ganzer rath, weils zu Wien durch etliche gestellt vnd vbergeben war, anfenglich Nichts darumb gewußt. (20 r ) Vmb dise Zeitt
