Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
Inn diesem Jar hat man den Wein zu 12 ô vnd 8 ö alhie getrunkhen, vnd ist damaln der Schönste metzen Meli die altmaß Per 5 ß gangen, inn diesem Jar an S(anct) Johanni Tag bin ich, Melchart Klein alhero kommen vnd zu einen teutschen Schuelmeister von ein E(hrsamen) Rath befudert worden. Afnno) 1579. Diß Jahr ist am S(anct) Matthiae Tag [24.02.1579J vorher vnd nacher ein so mechtiger Schnee gefallen, das manchen sein hauß verschnien vnd verwehet, vnd nicht auß hat kummen mögen, sondern durch ander Nachtbarn den Schnee hinwegh helffen reumen müssen. Alle die Thor der Vorstadt seint verwehet gewesen, vnd hat kein Mensch weder auß noch ein khundt, noch inner 14 tag recht raißen durffen, inn allen gassen inn vnd ausser der Stadt ist man gangen, alls zwischen einen aufgeworffenen Wall oder Mauern. (4 r ) Dieser ist aber also lindt vnd geschwindt vergangen ohne Wassergüß, daß mann schier nit gewust, wohin er kommen sey. Bemeken Tag vntter der Predigt bei Sfanct) Michael, ging ein Brunst auf in der Schuell, weil holtz aufm Kachelofen gelegen, vnd die buben Ihrem Canton ein gutt warme Stuben, weil es zimblich kalt war, zu machen, so starkh geheitzt, daß dasselbigs holz schmelzent worden, Vnd den Boden vber sieb entzunt <ist>, weiln aber damals dieser groser Schnee vorhanden, ist es damit balt gelescht vnd gedempft, sonst wer es Vbel zugangen. Es hat sich <dar > nach diesem Schneabgang der Fruelich anfangs gar schön vnd warmb gehalten, also daß es auch den Weinstokh furbracht, das mann vor der Martter wochen die Weinpeer albereit hat sehen vnd kennen können, ta gar frey eins theils gestanden, da ist an den Grünen donnerstag [16.04.1579J ein so khaltes Wetter eingefallen, etwas wenig geschneiet, vnd darauf ein gefrier kommen, das es Berg vnd Thal vmb vnd vmb verderbt hat, ist ein groses weheclagen gewesen, darnach am anndern Ostertag [19.04.1579J drauf Schön warmb worden vnd das wetter beständig verblieben. Ist dennoch <nachmals> so viel wein worden, daß wer Ihme mit 10 emer geschäzt 20 oder 30 erbauen hat. Diß Jar ist der wein vmb 4 V* Taller verkaufft worden, als vierttiger, daß vorbin kein Mensch alhie gedenckht. Sonst ist Er die Pintt vmb 24 Verleutgebt. (4 V ) Afnnjo 1581 Ist von Gfemeiner) Stadt alhie ein freyschiessen gehalten worden vmb ein Ockssen vnd darnebenst allerley kurzweil dabei zubracht, seint viel frembde Schützen von Weitten ortten herzukommen vnd 2furnem.be Prütschenmeister vonn Linz, zwenn Sailler, der eine
