Faut Márk és Klein Menyhért krónikája 1526-1616; C sorozat, 1. kötet - Sopron Város Történeti Forrásai (Sopron, 1995)
Die Chronik
hat die Knaben, so die Fenlein vnd gewinnende auf die Schißstadt getragen, zu seiner gedechtnuß < nach > reimbweiß nach dem A.b.c. geprutscht vnd gesungen, welches ganz kunstlich, darnebenst lecherlich anzuhören gewesen ist. Ist Ihme destwegen von einen EfrsamenJ Rath ein Ehrlich Trinckhgeldt geben worden. (6 V ) Afnnjo 1581. Seint am Tag Mattbiae vnd Michaeli Tag altes Calenders [25.02.1581; 29.09.158ÍJ schrekliche Fewerzeichen an dem Himmel gesehen worden, als wie zwey hörr, die widereinander stritten vnd schiessen thetten, baldt verschwunden, baldt sich wider sehen lassen, das vor vnd nach Mitternacht etliche stundt gewehret hatt. (7 V ) Afnnjo 1582. Ist der Newe Calender oder der Grögorianische Bäbstiscbe Calender bei SfanctJ Michaelis Kirchen mit einen befelch des Bischopffs Dreßcowizi angeschlagen worden, denselben anzunehmen, vnd weiln es damals die heilige zeit in Aduent war, nach demselben zu begehen vnd zu halten. Das aber diß von der Stadt nit beschach, sondern sich der Alten Zeit betrugen vnd den Alten [siel] nit annehmen wolten, da ward der Bischopff mit seiner Clerisey der ganzen Stadt aufsitzig vnd suchte vberall vrsach < wie > also das Er vns bei den keyser beclagt, vnd damit <wardt> gab man Vrsach, das vnns endlich f.die Prediger, so nit darein willigen solchen zu halten vnd anzunehmen:) <dieselben > von dannen geschafft vnd das exertitium Augspurgischer Confession gantz vnd gar inn allen Kirchen vnd Schulen nidergelegt. Het man damals den Calender angenommen, wer es so weit etwa nit kommen vnd vnser Prediger erhalten können sowollen als die zu Gunß, die Ihn angenommen, vnd <Ih> endgegen Ihren Prediger vnperturbiert erhalten, gleichwol haben Sie den Bischopff Draßcowitz mit der goldtstangen zimblichen geschlagen, wir aber habens Vntterlassen gehabt. Dises Jar seint beide Magister Jonas Museus vnd Jacob Riedtdschandel, beide Vnsere Prediger, Inner 8 Wochen vorm Fasching vnd in der Fasten nacheinander gstorben, denen der liebe Gott eine fröliche Auferstehung verleihen wolle. (7 r ) Afnnjo 1582. Diß Jar ist vmb Bartholome [24.08.1582] ein Schauer, da mann albereit schon Most können haben, kommen, auf die Hochmut, Kircher, Steiger vnd Wolffser gebirg, da es die Weinbeer aufgeschlagen, das mann hat müssen das Zerschlagen außbrechen, vnd hatt gutten Most geben. Diß Jar vnd das Vorige seint heiße Jar gewesen vnd schrekhliche wetter geben, nit allein bei vns, sonder auch ander Ortter mehr vnd mit Wolckhen bruchen beschehen vnd vielen Ortten eingeschlagen. (7 V )
