Feljegyzési könyv 1492-1543; A sorozat, 3. kötet - Sopron Város Történeti Forrásai (Sopron, 2006)
Das Gedenkbuch—A Feljegyzési könyv
87. 1498 November 30 Oswald Bläswetter kauft das Haus der Witwe des Matthias Petersil / Bläswetter Osvát megveszi Petersil Mátyás özvegyének a házát [Anno domini .1.4.9.8. Am freitag sannd Anndree tag des heyling zweifboten (11.30.) hat oswald pläsbeter vor den Ersamen weisenn herrenn des Rats von der Erberen frawn petersilin Ir haws bey den fleischpennkhen In der stat Neben des steffan fleischagker haws gelegen khawfft vmb fünfzigkh gulden hungrisch ye zehen den. vnd zehen schilling den. per ainen floren mit vörbehalden püncten So hernach laüttünd Item zwischen hewt vnd nagstkünftigen phingsten (1499.05-19.) sol er Jr geben XV fl. Jdem von den selben phingsten bis auff yezund Jare auch XV fl. Darnach, vnd nach Iczündiger Zeyt In Jars frist bezallen vnd entrichten zwainzig floren darnach soll er sy In dem haws Ir Leebtäg halden vnd notdürftigklich verhülczen Auch soll Er Ir das Stübel khämerel Gwëlbel vnd ainen winkhel Im kheller lassen vnd welher taill solhen khawff, vertrag vnd bericht vbertrëten würd wellen die herrenn straffen der sach zu gedennkhen Ist sy hie eingeschriben Actum Anno et die vtsupra Tempore michaelis Schottel Tunc Temporis magistri ciuium. Es stet Im Grundtpuch] 88. 1498 Dezember 5 Meister Michael Pogner kauft vom Stadtrat einen Weingarten in der Flur Wiesen / Pogner Mihály mester a tanácstól szőlőt vásárol a Wiesen dűlőben Maister michel pogner hat von [meinen] denn Ersamen weisenn herrenn des Rats khawfft ainen Weingarten In der wisenn daran er noch schuldig den herrenn per Restât [schuldig] ist XXIIII tal. den. da von er hat diennen wellen, haben Im [mein] die herren Angesehen seinen Armueten, sölhs begebenn vnd zu der bezallung von hewt Jar vnd tag zeit vnd tag Lassenn, Doch das er den Weingarten In mit der zeit pewlich halde Beschech sölhs nit, haben In die herren was darlnne zu hanndeln wirdt vörbehaldenn Actum am mitichen nach Barbare Anno domini etc. .9.8,-üo (1498.12.05) 89. 1498 Dezember 24 Der Stadtrat schlichtet den Streit zwischen dem Ratsbürger Emmerich Magusch und dem Gilg Zehentnet / A tanács kibékíti egymással Magusch Imre belső tanácsost és Zehentner Egyedet Anno domini .1.4.9.8. Am montag des heyling weichnacht abennt (12.24.) sein für die herrenn des Rats, der Ersam herr emerich magüsch, auch die Zeyt ainer des Rats, vnd Gilig zehenntner In vnainikait erschynn doch haben sy die herrenn nach baider taill Reed vnd widerred, <auf Ir baider vleissig gebet> Genncziklich verricht vnd vmb all Ir zuesprüch vnd Irsail so sy zueinander gehabt haben kainen gesonndert noch ausgenomen, vertragen vnd veraint, Auch zu guetenn frewndten gemacht welher darüber sölh bericht vberfür, vill oder wenig äfriet oder da wider hanndelt, Ist den herrenn zu peenn vnnachlessich verfallen XXXII fl. vngrisch Actum die et Anno vtsupra Tempore michaelis Schottel Tunc temporis magistri ciuium et Georgy pawngartner Iudicis [50]
