Bírósági Könyv 1423-1531; A sorozat, 2. kötet - Sopron Város Történeti Forrásai (Sopron, 2005)
Das Gerichtsbuch-A bírósági könyv (Jenő Házi - János Németh)
tugenthafften frawen Barbara, des erbernn Paul Fisech mitburger hie elichen hausfraun die dann vor mallen weilenden, den edlenn Steffan Krabaten von Buschan mitburger hie seligen auch elichen gehabt hat, wie der wenannt Steffan Krabat seliger, seines vatter naturlicher vnd rechter euch gebornner brüder gewesen war, vnnd lies darumb genügsame brifflich vrkFiünd, so dann hie bei dem gerichtzbuch erlegt sei(e)n lesen vnd hörn, In den selbm briefen w vnder anderm wegriffen was das der wenant Steffan Krabat seliger khainn nehendern erben wann in Nicoläschen hinder sein gelassen hiet, Darauf Nicolasch verrer durich sein(en) vorsprechen reden lies, dem nach er des wenanten Krabatenn seligen nègster erib war als er hoffet sölhs czu recht genügsamigklich durich die gemelten sein khüntschafftbrief geweist hiet, getrawet er, das im des vorgeschriben Steffan Krabaten seligen gelassne eribgüter, haws hof vnd weingerten nichtz ausgenomen, so er dann hie erkhaüfft vnnd czu wegen pracht hiet pillichen zu sten vnd nachvolgen solten, vnnd die wenant ftau Barbara hielt im sölh guter vnpilHchen vor, vnd begert darumb rechtns, Da entgegen der erber Mathes Schreiber burger hie zu Odennburg, an stat der gemeltenn fraün Barbara der gwalt er het, redt, wie der obgenant Michel Kreppinger an stat Nicolaschen Khrabaten, die obgeschriben guter so Steffan Krabat, der fraün hauswirt seliger hinder sein gelassenn hiet, die ganncz vnnd gar zu habm vnpillichen begert, demnach der Steffan Krabat seliger die selbm guter haüs vnd beingartenn mit ir als gesambter hannd, erkhaüfft hiet das dann genügsam czu recht weislich war, als er dann an stat der frawen czu recht darumb genügsame weysung fürbracht hoffet darauf der frawen solten pillich die selbm ires vorigen hauswirts seligen gelassen guter zu sten vnnd nachvolgen, Sölhs vnnd alles was gesambter hannd recht war seczt er an stat der frawen auch czu recht, Also auf beder tail clag vnd antburt czeügnis vnnd küntschafft red vnd widerred ward auf frag des richter mit czeitiger erlösung zu recht erkhannt, dem nach der vor offtgenante Nicolasch Krabat genügsamigklich zu recht mit seinen rechtverügen [168] kh untschafftbriefen, das er des Steffan Khrabaten nègster erib war, geweist hiet, sullen im aller eribgüter hienach wegriffen, so derselb Steffan Krabat mit seiner gelassen hausfraun mit gesambter hannd hie erkhaüfft, vnd hinder sein gelassen hat geleich halber tail zu sten vnnd verfoligt werden, Item ain haws in der stat hinder dem closter czu nagst des Hanns Khamersperger haüs gelegen halbs Item dreu achtail Weingarten im Neunperg halbm tail, vnd ain virtail Weingarten auf den Staynn gelegen halbs, in sölher weschaidenhait als die frau geweist hat, das die wenanten guter mit gesambter hannd erkhaüfft seien, so seien hie nach stat recht, die wenanten eribstukeh, halber tail ir freye erib, damit hand(e)ln thün vnd lassen wie sy verlusst, vnnd der ander halb tail der gemelten guter ir leybgeding, den selbm tail sy auch allso, ir lebttëg innhaben prauchen nüczen vnd nyessen sol vnd mag, doch allso das sy den selbm halbm tail guter, so ir leibgeding seynn pewlichen halden vnd in khainen weg nicht verkhümern noch verkhauffen sol, vnd erst nach der frawen abgang, halber tail der wenanten guter auf Nicolasch KFirabaten oder sein erben gefallen sullen, Auf den selbm halbm tail guter Nicolasch Khrabat, die weil di frau in leben ist alle jar jerlichen des nagsten mitichen vor Tiburci hie vor gericht rügen bei scheynvnder sünn rügen sol, Wo aber die frau, den selbm halbm tail guter ires leibgeding nicht pewlich halden oder verkhümern wurde, alsdann mag Nicolasch Khrabat oder sein erben zu den obgenanten eribstuken halbm tail rechtlichen sten, vnnd sullen im die nach stat recht eingeantburt werden, Der geleichen ob Nicolasch Krabat der gemelten teg der rügüng nur ainen vnder wegen Hess vnnd nicht aUe jar bei scheynunder sünn rügte, alsdann sol aU sein gerechtikait
