Dominkovits Péter: Adalékok és források a soproni evangélikus városvezető és szellemi elit 17 - 18. századi társadalomtörténeti kutatásához, végrendeletek (Sopron, 2018)

Források

kleinnen verlassenen Guttels, zwischen den vberlebenden Theil, vnd vnsern Erben vnnd Befreundten, nicht etwann Stritt vnnd Jrrung sich erheben vnd zutragen thet- ten, solchen furzukommen, haben derowegen wir anfangs bemelte beide Cohnleut, wolbedechtlich, auch zu der Zeit, der wier solchs ohne vnser vnd vnserer Erben vnnd menniglichs Einredt vnnd Widersprechen, zu thun gutt Fueg vnd Macht gehabt, durch diese donation einnander herzlich, frey vnnd guettwillig, ohne Zwang vnd Trang, vnsers Güttels, begabt, bedacht, geschenckht vnnd verehrt, welchs wier dann inn Craft dieser donation hiemit nochmals thun, vnd wollen gehalten haben, dergestalt.

Vnd erstlich das der Heurathsbrief, dennen wir mit einander vnserer Vereheli- gung Anno 1585. aufgericht, weilln die darinn vermelden Heurathgutter, von vns beiden Cohnleutten, lengsten verwendet worden, hiemit zu beiden Theilln derselbig allerdings sol cassiert vnd aufgehebt sein.

Furs Ander, ob zwar wir beide Cohnleut einer dem andern ein gering vnd klein- nes Güettel zubracht, so haben wir doch das meiste alles, wie es iezo furhanden, als Hauß, Weingartt [etc.], Ligundts vnd Vahrundts, wie es Nahmen hatt vnd genen- net werd[en] mag, durch Gottes Segen, vnd vnserer Muhe vnd Arbeit erkhaufff, er- tauscht vnnd erobert. Also diß vnser geschenckhter Will vnd Meinung, das den wer- lebenden Theil, des abgestorbenen Gutt, inn Zugebrachten sowol inn den gesambten Gutt, alles Ligundts vnd Vahrundts, nichts ausgenommen, von iezo an, vnd nach dess[en] Ableiben, frey vnd ledig sol geschenckht sein vnd verbleiben, vnd nach eines Theils Absterben, dem vberlebenden Theil, einige Spörr noch Jnuentur inn keine Weg von jemandt wer der sey, so begert würde furzunehmen, vermietten sein solle, destwegen auch der vberlebende Theil wann der lieben Obrigkeit alhie dieser Könn[iglichen] Freystadt Ödenburg, bei dieser vnserer donation, vnd furgesehenen zeitlicher Willen, geschützt, geschirmbt, vnd darbei gehandthabt werden.

Furs Dritt. Solle nebenst dem, der vberlebende Theil schultig sein, alle glaubwirt- tige Geldtschulden, so wie beide Cohnleut miteinander gemacht, jedwedem wer die sein, danckhbarlich entrichten vnd bezahlen.

Furs Vierdt. Was vnsern Sohn Melchartt betriefft, welchen wir Eltern nach christlicher Fursorg, an Ortt vnd Endt, mit Hielff ehrlichen Leut, auf Kaltenperg,45 alda ein ehrlichs Handwerch vnd anders mehr zuerlernen vnd zuerfahrn, verschickht, vnd vntterbracht worden.Weilln er aber alda nicht verblieben, sondern wider vnsere trewherzige Fursorg vnd Wolmeinen <vnd>46 wider vnsern Willen hinweg, vnd vnns Eltern biß dato hero viel Sorg vnnd Kummerniß zugefuegt, vnnd ein Schaden bracht, auch wie er seine Zeitt vnd Jugent anlegt, oder was Ortten er sich bey ehrlichen Le- utten aufhelt, vnd was sein Thun oder Wesen sey, inn die vier Jar kein Wissenschaft

45 Kaltenberg, Németország

46 Sor feletti betoldás.

42