Dominkovits Péter: Második telekkönyv 1554-1580 (Sopron, 2015)
A telekkönyv
chonleüt recht trew gwor schermb vnnd vorstanndt nach statbrauch. Act[um] den .29. decemb[ris] Anno etc. 1569. 264. (II,-181.) Cristoff Neumair huetter, Elena sein eeliche hausf[rau] haben nutz vnnd gwör aines hauß am Holtz markht zwischen Nemesch Michaeln vnnd Hannsen Fautten mairhoff gelegen, emphanngen weliches an sy vmb ain benannte summa gelts mit khauff khomen, welicher khaufsumma Wentzl Balbierer durch obernente khauffer zw völligen benuegen vergnuegt vnnd betzallt worden. Er Wenntzl Balbierer vnnd seine erben sinndt auch der anfangs benannter khauffleütt recht trew gwör schermb vnnd vorstanndt nach statbrauch. Act [um] auf dem rathauß Act [um] den .17. January. 1569. 265. (II.-181.) Larentz Wetzer, Apolonia sein eeliche hausfraw, haben nuz vnnd gwör dreyer achtl wein gartten im Dudlaß zwischen Ambroß Waicz[en] vnnd Blasi Tschännder geleg[en] emphanngen, weliche weingartten sy von Sophia Syly Larentzin erkhaufft vnnd dieselbigen zw jrer völligen benuegen betzallt, hierauff ist ernente Sophia Syly Larentzin der vorbenanten khauffleüt recht trew gwör schermb vnnd vorstanndt gegen menigelihen nach statbrauch. Act[um] den .26. January Anno [etc] 1569. 266. (II.-182.) Leonhardt Hamer burger alhie, Margaretha sein eeliche hausfraw haben nutz vnnd gwör aines hauß zwischen Hannsen Graffen vnnd Jorg Straüssl gelegen emphanngen, weliches an sy mit khauff vmb ain benante summa gelts vom Konradt Flach tischler vnnd Margaretha seiner hausf[rau] khomen, deren khaufsumma jetzobenante verkhauffer zw jrem völligen benuegen entricht vnnd betzallt worden sinndt, hierauf so sinndt die verkhauffer der anfangs benannter chon vnnd khauffleüt recht trew gwör schermb vnnd vorstanndt gegen meniclichen nach statbrauch. Act[um] den .17. February. A[nn]o 1569. 267. (II,-182-183.) Steffan Schueller burger alhie, Anna sein eeliche hausfraw haben zehen madt wisen in Neuen gereutl oberhalb Kholmbhoff. Item zehen madt daselbsst nutz vnnd gwör emphangen, für sich vnnd jr beeder erben, der erssten zehen madt sinndt vom Frantz Kholmbhoff vnnd der anndern vom Pauln Neupacher neben des Wolff Hauser vnnd Valtein Paurn gelegen, mit khauff vnnd vmb ain benannte summa gelts khomen deren khaufsumma obernente verkhauffer benuegt vnnd betzallt worden. Es sinndt auch die verckhauffer der anfangsbenanten chonleütt recht trew gwör schermb vnnd vorstanndt gegen chrissten vnnd juden nach statbrauch. Act[um] den funfften Marty. Anno [etc]. 1569. 97
