Dominkovits Péter: Második telekkönyv 1554-1580 (Sopron, 2015)
A telekkönyv
268. (II.-183.) Thoman Paur burger alhie, Veronica sein eeliche hausfraw haben nutz vnnd gwör aines haus auf der Sanndtgrueb zwischen herr Niclaß Nemesch stat camrer vnnd Ambrosien Spätt heusern gelegen emphanngen, weliches sy von Magdalena Eintz jrer muetter vnnd schwiger erkhaufft vnnd der khaufsumma benuegt zw jren völligen benuegen vnnd ist hierauff vorbenante fraw Magdalena der egemelten [!] khaufleutt für soliche behausung recht trew gwör schermb vnnd vorstanndt gegen meniclih[en]. Act[um] den Aindlefften Marty. A[nn] o etc. 1569. 269. (II.-183.) Thoman Karner, Catherina sein eeliche hausf[rau] haben nutz vnnd gwör ainer halben behausung in d[er] Fleischakhergassen gelegen, (zwischen Melchior Schermb vnnd Georgen Schlesinger), emphanngen welihes an sy mit khauff vom Micheln Lampl vnnd Anna seiner hausf[rau] khomen, vnnd sinndt merbenante verkhauffer erstgemelter chonleüt dises khauffs recht trew gwör schermb gegen menigelich[en], Act[um] auf dem rathauß den .11. Marty. Anno [etc]. 1569. 270. (II.-184.) Fraw Petronella so Mathesen Mokhen eelichen gehabt vnnd jetzo sich zum Vrban Primuß verelicht hat für sich vnnd jre negsste erben furnemblihfen] für di khinnder so sy bey gedachtem Mokhen in chonlich[er] beywonung erzeugt,36 aines hauses nutz vnnd gwör emphangen vnnd zwischen Georgen Geimel vnnd Niclaß Mokh[en] heusern gelegen, weliches an sy mit khauff vom Thoman Paurn vnnd Veronica seiner hausf[rau] khomen deren khaufsumma die verkheuffer benuegt vnnd betzalt worden, sinndt hierauff die verkhauffer der anfanngsbenanter chonleütt recht trew gwör schermb vnnd vorstanndt gegen meniclich[en]. Actum den .18. Aprilis. A[nn]o 1569. Sub d[omi]nis m[a]g[ist]ratib[us] Cristophoro Kleblspergero consule et Jacobo Müettl judice, etc. 271. (II.-184.) Michaeli Graß vnnd Veronica sein hausfraw, haben nutz vnnd gewehr emphangen wegen eines hauß in der Neustifft, so neben Windisch Mathiasen behausung daselbst ligt, vnnd von bemellten conleütten, von der tugennthafften frawen Elena Peysnerin erkhaufft worden, vnnd ist jetzt bemellde fraw Elena schermb vnnd vorstandt der khauffer gegen meniglich. Actum den 9. May A[nn]o etc. 1569. Sub d[omi]nis m[a]g[istra]tib[us] Cristophoro Klebelspergero consule [et] Carolo Rosenkrantz judice etc. 36 A következőkét szó lapszéli betoldás. / Folgende zwei Wörter sind Eifügungen am Blattrand. 98
