Dominkovits Péter: Második telekkönyv 1554-1580 (Sopron, 2015)
A telekkönyv
in der vorstatt, bej dem Steinthorr, zwischen Anndreen Huetters, vnnd Sebastian Schmidts nachtpars heüser gelegen empfanngen, welche an gedachten Adam Pindter, vnnd Apolonia sein eeliche hausfraw, von Michaeln Vnglauben, vnd Margarethen seiner eelichen hausfrauen, mit ordenlichen vnd rechtmässigen khauff khomen, deren khaufsumma berüerte verckhauffer, gännzlichen vergnüegt vnnd bezallt worden. Sein demnach solches khauffs bemellte verckhauffer der anfanngs benannten eewierthleüth, recht, trew, gwörr, schermb vnd vorstanndt, gegen christen vnd juden, wie der stattprauch vermag. Actum auf dem ratthauß, den 6. tag Nouembris. Anno etc jm Sechsvnndsechzgistem. 236. (II,-169.) Anndre Schueller, Helena sein eeliche hausfraw, haben für sich vnnd jerer peeder erben, nutz vnnd gwörr aines hauß jn der Fleischackher gassen, zwischen Simon Rainers, vnnd Leonhardt Stromayrs heüser daselbst gelegen emphanngen, welche an gemellten Anndreen Schueller, vnnd Helena sein eeliche hausfraw, vom Mertt Lanngen, mit ordentlichen khauff khomen, deren khaufsumma bemellter verckhauffer volckhomentlichen vergnüegt vnnd bezallt worden. Ist demnach solches khauffs ernenter verckhauffer, der anfangs benanten connleüth, recht, trew, gwörr, schermb vnd vorstandt, gegen christen vnd juden, nach stattprauch. Actum auf dem ratthauß den .20. tag January Anno etc. Jm Sybenvnndsechzigistem. Sub d[omi]nis magistratibus, Nicoläo Nemess consule, [et] Iacobo Müetlero judice. 237. (II.-170.) Hanns Gann wagner, Radigundt sein eeliche hausfraw, haben für sich vnnd jerer peeder erben, nutz vnnd gwörr ainer behausung, neben der Schlag pruckhen, vnnd Heliasen Khrempll schuesters hauß gelegen empfanngen, welche an gedachten Hannß Gann , vnd Radigundt sein eeliche hausfraw, von Steffan Schopff tischler, vnd Catharina seiner eelichen hausfrawen mit rechtmässigem khauff khomen, deren khaufsumma berüerte verckhauffer gänntzlichen entricht vnnd bezallt worden. Seinn demnach solches khauffs bemellte verckhauffer der annfanngs benandten connleüth, recht, trew, gwörr, schermb vnd vorstandt, nach stattbrauch, gegen christen, vnd juden. Actum auf dem ratthauß, den letzten January. A[nn]o etc Jm [15]67isten. 238. (II.-170.) Steffann Schopff, Khatarina sein eeliche hausfraw, haben für sich vnd jerer peeder erben, nutz vnnd gwörr, ainer behausung jn d[er] Schmidtgassen, zwischen Hannsen Wollduschen, vnd Bärthlmeen Schmidt, alls nachtparn heüser gelegen empfanngen, welche behausung an gedachten Steffan Schopff, vnd Catharina sein eeliche hausfraw, von Hannsen Schmallhartz, vnnd Anna seiner eelichen hausfrawen mit ordentlichem khauff khomen, deren khaufsumma berüerte verckhauffer 91
