Dominkovits Péter: Második telekkönyv 1554-1580 (Sopron, 2015)
A telekkönyv
völligelichen vergnüegt vnd bezallt wordenn. Sein derwegen solches khauffs bemellte verckhauffer, der anfangs benanten eewirthleutt, recht, trew, gwörr, schermb vnd vorstandt, gegjen] christen vnd juden, wie der stattprauch vermag, die et Anno quo supra. 239. (II.-171.) Steffan Tröpll, Magdalena sein eeliche hausfraw, haben für sich vnnd jerer beeder erben, nutz vnd gwörr ainer behausung an der Lanngen Zeill, zwischen Peter Fleischackhers, vnnd Philippen Khaschawers, paider nachtpauren heüser gelegen empfangen, welche an obgedachten Steffan Tröpll, vnnd Magdalena sein eeliche hausfraw, von Michäellen Praschhen mit redlichem khauff khomen, deren khaufsumfm] a berüerter verckhauffer gäntzlichen vnd gar bezallt worden. Ist demnach solches khauffs bemellter verckhauffer, der anfangs benandten connleüth, recht, trew, gwörr, schermb vnd vorstandt, gegen christen vnd juden. Actum auf dem ratthauß den .25. tag February. Anno etc. Jm Sybenvndsechtzigistem. 240. (II.-171.) Anndre Kholbmhoffer, Anna sein eeliche hausfraw, haben für sich vnnd jerer peeder erben, nutz vnnd gwörr aines hauß, jn der Rosengassen, zwischen Gregor Schalters, vnnd Benedicten Paurns erben heüser gelegen empfanngen, welche behausung an gedachten Andreen Kholbmhoffer, vnnd Anna sein eeliche hausfraw, von Vicenntzen Khoch mit aufrichtigem khauff khomen, deren khaufsumma berüerter verckhauffer vollckhomentlichen bezallt worden. Ist hierauff solches khauffs gedachter verckhauffer der anfangs gemellten conspersonen recht, trew, gwörr, schermb vnd vorstandt, gegen christen vnd juden, nach stattprauch etc die et Anno quo supra. Sub dfomijnis magistratibus Nicoläo Nemess consule [et] Iacobo Müetlero judice. 241. (II.-172.) Michaeli Frannckh, Ottilia sein eeliche hausfraw, haben für sich vnnd jerer paider erben, wegen aines hauß in der Neüstifft, zwischen Hieronymeen Teübers mayrhoff, vnd Peter Widt heüsern gelegen, nutz vnd gwörr empfanngen, welches sy von Mathesen Pindter für frey vnd ledig aufrichtig erckhaufft haben, deren khaufsumma ernenter verckhauffer, zu völligem benüegen außzallt vnd entricht worden. Vnnd ist solches aufrichtigen khauffs, merbenannter Pindter, der vorbestimbten eewierttleüth, vnd derselben erben, recht, trew, gwörr, schermb, vnd vorstandt, gegen christen vnd juden, nach dem löblichen stattprauch der khünigelichen freystatt Ödenburg. Actum auf dem rathauß, den .28. Aprilis Anno etc jm Sybenvndsechzigistem. 242. (II.-172.) Steffan Deümbll, Veronica sein eeliche hausfraw, haben für sich vnnd jerer paider erben, nutz vnd gwörr ainer behausung, jn der 92
