Dominkovits Péter: Második telekkönyv 1554-1580 (Sopron, 2015)
A telekkönyv
200. (II.-150.) Herr Dauid Wildndorffer vnnd Katharina vxor, habenn nutz vnnd gwörr empfanng[en], aines sechtzehenthaill Weingarten auff den Obern Stainer an Benedicten Hasendorffers weingart [e]n stossendt, welches an sy vonn Hansen Hamer vnd Brigitha seiner hausfrawen, mit khauff vnd auffgab ains and[er]n Weingarten, für frey vnd redlich khomen, deren khaufsum[m]a vnd tausch sy entricht vnd woll zufriden. Ist demnach gedahter Hannß Hamer vnd Brigitha sein hausfraw, anfangs benanten chonßpersonen vnd d[er]selben erben, reht, trew, gwörr schermb vnd vorstanndt geg[en] christen vnd judjen] nach stattbrauch. Actum auff dem rathauß den x. Aprilis, Anno jm [15]62isten. [etc] 201. (II.-151.) Hanns Hamer, Brigitha sein eeliche hausfraw haben für sich vnnd jerer paider erben nutz vnnd gwörr empfang[en], aines sechzehentaill weingart[e]n jm Silberperg, neben Thoman Püchlmayers alß nachtparn Weingarten daselbst geleg[en], welches sy vom h[er]rn Dauid Wildendorffer durh ainen tausch oder auffgab, obgehortermassen überckhomen, vnnd ist dises tausch berürter h[er]r Wildendorffer anfangs benanter eewirdtleuth auh jerer paid[er] erben, reht trew gwörr schermb vnd vorstandt gegen christen vnd juden nach stattbrauh, etc. Actum auff der burgerschrann vt proxime supra etc. 202. (II.-151.) Peter Mawrer, Khatarina sein eeliche hausfraw, haben für sich vnnd jre erben nutz vnnd gwörr empfang[en] aines achtll Weingarten jm Jrrnfridt zwischen Gregorien Gewer vnd Steffan Wiener weingart[e]n daselbst geleg[en], welches achtll weingart[e]n an sy von weillendt Thoman Öchssll nachgelassnen erbenn mit namen Barbara, Apolonia, vnd Khatarina durch tausch aines Weingarten im Potzman vnd ain benantes auffgab gellts khomen, welches tausch gemellte erben gänntzlich[en] vergnüegt vnd contentirt worden, vnndt sindt auch villgemellte Öchsslisch[en] erbenn anfangs gemellter chonnleuth, recht, trew, gwörr, schermb vnd vorstandt geg[en] christ[en] vnd juden nach stattbrauch. Actum den .15. May, Anno jm [15]62ist[en], Sub dominis magistratibus ut proxime supra etc. 203. (II.-152.) Colman Vnnger, Helena sein eeliche hausfraw, haben nutz vnnd gwörr für sich vnnd j ere erben vmb ain hauß jn d[er] Schrippergassen zwischen Vrbann Poiger vnd Mathes Mockhen, alß nachparen heusern geleg[en] empfang[en], so von ainem ersamen rhate, weillendt Hannsen Khollers erben, obristen gerhaben, kheufflich vmb ain summa gellts an sy khomen, deren khaufsumma wollernenter ain ersamer rathe, entricht vnd betzallt worden, der dann anfangs gemellter chonleüth vnd jerer baider erben, reht trew gwörr schermb vnnd vorstandt, geg[en] christen 81
