Dominkovits Péter: Második telekkönyv 1554-1580 (Sopron, 2015)
A telekkönyv
204. (II.-152.) Thoman Haintz, Christina sein eeliche hausfraw, haben nutz vnnd gwörr für sich vnnd jere erben, aines halben hauß in d[er] Schlippergassen, zwisch[en] Michaeln Rampusch vnnd Georg[en] Rattgeb heusern gelegen, empfangen, welches halbs guett od[er] hauß, an sy vonn Franntz Herrn mit khauff vmb ain benante summa gellts khomen, deren khaufsum[m]a gedahter verckhauffer, betzallt vnd vergnüegt word[en], vnd ist solches khauffs vorbestimbter Franntz Herr, anfangs gemelter chonleut, reht trew gwörr schermb vnnd vorstanndt, geg[en] chrissten vnnd juden nach stattbrauch. Actum auff dem ratthauß den .11. Juny, Anno jm zwajvnndsechzigisten. etc. 205. (II.-153.) Gregor Gaspitz burger vnd des rats alhie, hat für sich selbst vnnd seine erben, nutz vnnd gwörr ainer wisen zehenn madt haltendt vnnd [er] Kholmhoff in den Newen gereütt[e]n wisen, zwischen Mathia Khoatschitsch vnd Georg[en] Warsitz säligen, wisen daselbst geleg[en] empfang[en], welche jme Gaspitzen durh Balasen Tschernetschitz mitwoner daselbst zw Kholmhoff, vnnd Vrsula sein eeliche hausfrauen wegen sonnderer freundtschafft vnd villfeltig[en] ertzaigten trewen willens, geschenckht vnd auß freyer wüllckhür aigenthumblich[en] übergeben worden, damit zuthun vnnd zulassen, wie ine Gaspitz od[er] seine erben verlusst, es sinndt auch gemellte chonnleuth Baiaß vnd Vrsula, od[er] jr beed[er] erben, eegemelts Gregorien Gaspitz vnd aller seiner erben, vmb vorberürte zehen madt wisen, recht trew gwörr schermb vnd vorstanndt, geg[en] christen vnnd juden nach stattbrauch. Actum auff dem ratsfreundt den .4. Septembris. A[nn]o [etc], 1562isten. etc. 206. (II. -153.) Veronica Leüthgeb Peterin, vnd Magdalena Schwartz Franntzin jer eeleibliche tochter, haben für sich vnnd jerer paider erben, nutz vnnd gwörr ainer behausung am Khornmarckht, zwischen] Wogo Marton vnnd Floriann Wetzers heusern geleg[en], emphanng[en], welches an sy Veronica vnnd Magdalena, von Martin Lanng[en] vnnd Margaretha seiner eelich[en] hausf[rau], kheufflich vmb ain summa gellts khomen, deren khaufsumma gedahter verckhauffer betzalt vnd vergnüegt word[en], vnnd sein solches khauffs vorbestimbte chonnleuth, baid[er] khauffer vnnd jerer erb[en], reht, trew, gwörr schermb vnnd vorstanndt, geg[en] christen vnd jud[en] nach statprauch. Actum den .24. Decemb[ris] Anno etc jm [15]62isten etc. vnd juden nach statbrauh. Actum auff dem rathauß den .17. May Anno jm zwayvndsechtzigisten. etc. 82
