Dominkovits Péter: Második telekkönyv 1554-1580 (Sopron, 2015)
A telekkönyv
schlagpruckh[en] peym Hind[er]n thorr gelegen, so sy vmb ein sum[m]a geltts khauffweiß von Demeter Schymandj, an sich praht vnd überkhomen haben, derenkhauffsum[m]aberurter Schymandj volligelich[en] entricht vnd betzallt word[en], Ist derhalb[en] anfangs gemelter eewirtleuth vnd derselben] erben, reht, trew, gwörr, schermb vnd vorstanndt geg[en] christen vnd juden, nah stattbrauch. Actum loco, die et anno, quibus supra. Etc. Sub d[omi]nis magistratibjus] Vrbano Phlegero consule, et Sixto Zehentnero, praetore atq[ue] aerary p[rae]fecto. [etc]. 187. (II.-144.) Georg Dorner, Anngles vxor haben nutz vnnd gwörr fur sich vnd jerer paid[er] erben empfanng[en], aines sechtzehentaill weingart[e] n jm Collmperg, zwischen Wolff Hätzll vnnd Michael Letzellters Weingarten geleg[en], welchen sy mit khauff vmb ain summa gellts vom Anndre Stromeyer redlich[en] überkhommen, deren khauffsum[m] a ernenter verkhauffer volligelich[en] entricht vnd außtzallt worden. Ist demnah vorbenanter Stromayr anfangs gemellter chonleüth vnd d[er]selben erb[en], reht, trew, gwörr schermb vnd vorstandt geg[en] christen vnd juden, nah stattprauch. Actum auff dem ratthauß den xij. Septemb[ris] A[nn]o [etc]. [15]61ist[en]. 188. (II.-144-145.) Sebastian Falles vnnd Anna sein eeliche hausfraw, haben für sich vnd jerer beed[er] erben, nutz vnd gwörr aines hauß jn d[er] statt in d[er] Fleischagckher gassen, zwisch[en] Syly Janusch[en] vnnd Georg[en] Wegners behausung gelegfen], empfang[en], welches sy von den edlen fursichtig[en] ersamen vnd weisen h[er]rn .N. burg[er]maister richter vnd rathe alhie, alß weillendt h[er]rn Thoman Hiersch[en] salig[en] verlassene vngeuogten khind[er]n öbristen curatorn vnd pflegvätt[er]n, für frey ledig erckhaufft, vnd dasselbig an sich vmb ain benante summa gellts bracht haben, deren khaufsumma jetzo bemellte verkhauffer, von anfangs gemellten eewierdtleuth[en] gäntzlich benüegt vnnd betzallt seinn, vnnd berürte verckhauffer ain wollernenter ersamer rathe, sindt d[er] gedachten Sebastian Fälleß vnnd Anna seiner hausfrawen auch derselben erben, reht trew gwörr schermb vnd vorstanndt, für all rehtlih khrieg vnnd ansprach, gegen christen vnnd juden auch sonnst menigelih[en], nach stattbrauh. Actum auff dem ratthauß den .28. Nouembris. Anno jm [15]61isten [etc.] 189. (II.-145.) Emerich Antall, Vrsula vxor haben für sich vnd jerer paid[er] erben, nutz vnd gwörr aines hauß in der Rosen gassen neben Larentzn Reidls behausung geleg[en] empfanngen, so sy von Micheln Pawern vmb ain sum[m]a gellts zu seinem völligen genüeg[en], kheufflich an sich pracht haben, vnnd ist numalß gedahter verckhauffer, geg[en] anfangs gemellten khauffern vnd derselben erben, recht trew gwörr 77
